Кызылга ол-ла сентябрь 6–8 хүннеринде 16 хар чедир оолдар, уруглар аразынга, ССРЭ-ниң спорт мастери Александр Киимович Күжүгетке тураскааткан 1 дугаар Бүгү-россия чергелиг хостуг хүреш маргылдаазынга Красноярск крайдан, Кемерово облазындан, Хакасиядан, Тывадан 200 хире бичии мөгелер солун хүрешти көргүскеннер.
Бо маргылдааның төөгүзү баштай Бай-Тайганың төвү Тээлиге кожуун чергелиг болуп турган болза, 2023 чылда Кызылга республика деңнелинге солун эрткен. Улаштыр хостуг хүрешти эки сайзырадыры-биле Республиканың спортчу хүрештер чөвүлели дараазында 3 маргылдааны Александр Күжүгеттиң, хостуг хүрешке республика чөвүлелиниң даргазы чораан Владимир Хертектиң адынга 18 харга чедир оолдар, уруглар аразынга база 1970–1980 чылдарда эртип турган. Совет Эвилелиниң маадыры, гвардейжи майор Кечил-оол Түлүшке тураскааткан командалар аразынга хана биле хана деп маргылдааны 16 харлыглар аразынга эрттирери-биле Россияның спортчу хүрештер чөвүлелинче дилег билдириишкинни киирип, чугаалажып бадыткалын алган. Бо маргылдаалар сентябрь төнчүзү база ноябрь айларда болур.
Александр Киимович Күжүгетке тураскааткан маргылдааны ооң өг-бүлези, ажы-төлү деткикчилеп эрттирген.
Маргылдааның түңнелинде дараазында тиилекчилер илерээн:
Уруглар аразынга: 36 килге Кира Бурөева, 39 кг — Дарья Валькевич, 46 кг — Милана Сагалакова (шупту Хакасия), 42 кг — Ангырак Монгуш (тренери А.К. Монгуш, Мөңгүн-Тайга), 54 кг — Лилия Байыр (тр. С.С.Куулар, “Тыва-ЦСКА” спорт школа), 58 кг — Долунчана Чооду (тр. С.С. Куулар, “Тыва-ЦСКА” спорт школа), 50 кг — Людмила Бирюкова (Красноярск), 62 кг — Анастасия Федорова.
Оолдар аразынга: 35 килге Начын Кара-оол (тр. С.С. Ондар), 38 кг — Шагаамай Күжүгет (тр. Т.А. Ооржак, Барыын-Хемчик), 44 кг — Чайыр Ондар (тр. А.К. Хертек, Ак-Довурак), 48 кг — Тандар Ондар (тр. А.К. Делгер-оол, Чадаана), Сайын-Белек Сат (тр. А.К. Делгер-оол, Чадаана), 57 кг — Мөңгүн Сат (тр. О.М. Куулар, А.А. Сарыглар), 68 кг — Чамыян Кара-Сал (тр. С.Б. Шогжап. Олимпийжи курлавырлар школазы), 75 кг — Балчиян Баажай (тр. В.И. Түлүш, Кызыл кожуун), 85 кг — Намзырай Монгуш (тр. А.Ч. Куулар, Чадаана), 41 кг — Виталий Чебокчинов (Хакасия), 62 кг — Станислав Курдюков (Хакасия).
Шупту тиилекчилер эки хүреш, чараш арга, тиилелгеже чүткүл дээш тускай шаңналдарны Россияның Маадыры Чалым Чүлдүм-оолдуң холундан алганнар.
Маргылдаа соонда ЦСКА-Тываның директору Буян Биче-оол бодалдары-биле үлешкен.
— Шаанда, 1970–1980 чылдарда, спортту сайзырадыры-биле ачазы Владимир Биче-оолдуң шыырак, спортчулардан, ыраажылардан тургускан, спорттуң хевирлеринге аргаларны, сүмелерни кадып тургаш, улаштыр солун концерттерни көргүзүп, суртаал ажылдыг “Хүреш” деп бөлүктү тургузар бодалын илеретти. Чүге дээрге амгы электроннуг үеде бичии чаштар, гаджеттер, компьютерлер-биле хандыкшып, боттарының кадыынче улуг кичээнгей салбайн турары хомуданчыг.
А. ЧАМБАЛ-ООЛ.
Чурукту интернеттен алган.
“Шын” №70 2024 чылдың сентябрь 14
