Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
09 августа, вт

Аныяк өг-бүлелер кичээнгейде. / Чаа-Хөлден медээлер.

25 июня 2022
11

Чаа-Хөл кожууннуң чагыргазы болгаш кожууннуң ХБАБ эргелели Аныяктар хүнүнге уткуштур кожууннуң суурларында өскелерге үлегерлиг 35 харга чедир үштен хөй ажы-төлдүг аныяк өг-бүлелерни демдеглеп, оларга байыр чедирген.

Июнь 23-те кожууннуң чагырга бажыңынга уруг-дарыын эдертип алгаш, байырланчыг шинчилиг кеттинген үш аныяк өг-бүле, Бүзүрел биле Кежик Балданнар, Мира биле Артыш Хен-оолдар, Ай-кыс биле Дозур-оол Бальчималар чаладып чедип келген. Чаа-Хөл кожууннуң ХБАБ эргелелиниң удуртукчузу Аляна Чаш-оол байыр чедириишкинниң бижиктерин болгаш суй белектерни байырлыг байдалга тывыскан.

– Чылдың-на шак мындыг хемчегни кожуун чагыргазы, Аныяктар херектериниң талазы-биле болгаш ХБАБ ажылдакчылары демнежип алгаш, эрттирип турар бис. Кожуунувуста ажыл-агыйның аңгы-аңгы адырларында ажылдап турар аныяктар хөй. Олар шупту амыдырал дээш чүткүлдүг – хууда мал-даа азырап өстүрүп турарлар бар, тараа-быдаа-даа тарып турарлар бар. Ол аныяктарның хөй кезии бадылга чок чурттап турар. Бистиң талавыстан аныяктар кады чурттаар деп шиитпирлээн соонда, аргалыг болза, бадылгалыг чурттаарын сүмелеп турар бис” – деп, ХБАБ ажылдакчызы чугаалады.

Бо удаада үлегерлиг болгаш хөй ажы-төлдүг аныяктарны демдеглээрде, бадылгалыг өг-бүлелерни мурнады көрүп турарын ол немеп чугаалады. Ол чүге ындыг дээрге, өзүп олурар ажы-төлүнүң документилери чаңгыс аай чурумнуг, чиигелделер-даа алырда, документилер дужаар апаарга, эптиг болур. Черле ынчаш, чаш уруг өг-бүлеге төрүттүнген соонда, документизинге авазы, ачазы болгаш боду чаңгыс аай фамилиялыг болуру чугула.

Бүзүрел биле Кежик Балданнар бичиизинден тура эки таныжар, чаңгыс класска кады өөренгеш, школаны дооскаш, 2011 чылда өг-бүле болуп, бадыланчып алганнар. Бүзүрел 2015 чылда Кызылдың эмчи колледжин дооскаш, эмчи сестразы болуп, амга чедир төрээн суурунда ажылдап турар. Кежик дүрген дуза чедирер салбырга чолаачылап ажылдап турган, амгы үеде уругларын азырап олурар. Чаа-ла 30 хар ажа берген аныяктар бот-боттарынга болгаш ажы-төлүнге аажок камныг. Өг-бүлениң аас-кежиктиг болурунуң кол чажыды бот-боттарынга бүзүрежир, деткижер, дыңнажып билир болгаш кандыг-даа таварылгада хүндүткелдиг болуру чугула деп олар санап турарлар.

Мира биле Артыш Хен-оолдар кайызы-даа башкылар. 2015 чылда бадыланчып, өг-бүле туткан. Амгы үеде дөрт ажы-төлүнүң ынак авазы, ачазы. Аас-кежиктиң кол дөзү ажы-төлүнде деп олар санап чоруурлар.

Ай-кыс биле Дозур-оол Бальчималар ажы-төлге ынакшыл, оларның шын кижизидилгези - өг-бүлениң аас-кежиктиг болурунуң кол дөзү ында деп санап турарлар. Оларның дөрт ажы-төлүнүң улуу оол, үш кыс дуңмаларының акызы, хүрежиринге ынак. Эң бичиизи үш харлыг.

Шак мындыг амыдыралче чүткүлдүг, ажы-төлге ынак аныяк өг-бүлелер хөй болган тудум, ниитилел хөгжүүр.

false
false
false
false
false
false