Тываның Чазаанга, яамыларга болгаш ведомстволарга стажировка эрттирер күзелдиг аныяк специалистерни чалап турар.
ТР-ниң Баштыңының администрациязынга болгаш ТР-ниң Чазааның Аппарадынга, ол ышкаш республиканың күүсекчи эрге-чагыргаларынга стажировка эрттирер талазы-биле мөөрейге аныяк специалистерниң документилерин Тываның Чазааның кадрлар албаны хүлээп эгелээр.
35 хардан улуг эвес назылыг, дээди эртемниг база Россия Федерациязының күрүне дылын билир РФ-тиң хамаатыларын мөөрейже чалап турар.
Мөөрейге киржир күзелдиг кандидат комиссияга дараазында документилерни дужаар:
1) мөөрейге киржир билдириишкин;
2) амы-хууда медээлерин ажылдап кылырынга чөпшээрел;
3) фото-чуруктуг анкета;
4) паспортунуң хоолгазы азы орнун солуптар документ (мөөрейге келгеш, бодун бадыткаар чогуур документ);
5) эртем-билиин, квалификациязын болгаш стажын бадыткап турар документилер;
– эртем-билии болгаш квалификациязының дугайында документилериниң хоолгазы, ол ышкаш хамаатының күзели-биле немелде профессионал эртем чедип алган азы билиин бедиткениниң дугайында, эртем чадазы, эртем ады алган дугайында бадыткаан документилериниң хоолгазы;
- чурттап турар чериниң аайы-биле нотариалдыг азы кадрлар албанынга шынзыткан азы ажылдаан дугайында медээлиг күш-ажыл дептериниң хоолгазы (ажылче чаа кирип турар таварылганы санаваска).
– шериг билединиң хоолгазы;
– кордакчының күзели-биле өске-даа тодаргайлаан документилер азы ооң хоолгаларын көргүзүп болур.
Документилерни 2022 чылдың июль 14-ке чедир дараазында адреске хүлээр: Тыва Республика, Кызыл хоорай, Чүлдүм кудумчузу, 18 дугаар бажың, ажыл хүннеринде 09.00 шактан 18.00 шакка чедир (дүштээр шагы 13.00 шактан 14.00 шакка чедир), дыштаныр болгаш байырлал хүннерин санаваска, (839422) 9-72-45, 9-72-46, 9-72-47 дугаарлыг телефоннарга баш бурунгаар бижидип алыр.
Тодаргай медээлерни https://rtyva.ru/content/2588/... айтыгда салган.
Чурукту интернет четкизинден алган.