Ада-иелер боттарынга эм садып ап тургаш, ажы-төлүнге «аскорбинка» садып бээрин аптекаларга бо-ла көөр бис. Авазы санажып турар аразында, бичии төл ол чигирзиг таблеткаларны улай-улай чип эгелээр.
Ында айыыл чаштынып чыдар дээрзин ада-иелер билбес. Витаминнерни артыкшылдыг чиири, чедир чивезинден-даа улуг хора чедирер. Чижээлээрге, Д витаминниң артыкшылы бүүректерни кошкадыр, а А витаминни хөйнү чиирге, баарга аар согуушкунну чедирер.
А эң-не нептереңгей аскорбинканы (С витамин) өй-тап ишпес болза, бичии уругнуң бажы аарыыр, удувастаар, хорадаачал апаар, безин ижин-шөйүндүзүнге дегдириишкин тывылдырып болур.
ТҮҢНЕЛ: синтетиктиг витаминнерни ажы-төлге медерелдиг бээр херек, ол конфета эвес, а өйлүг ижер эм-дир деп тайылбырлаары албан.
«Шын» №16 2024 чылдың март 2