Май 21-де Кызылдың КАИ ажылдакчылары дилээшкинге турган читкен автомашинаны тудуп алган.
КАИ ажылдакчылары орук шимчээшкининге айыыл чок чорукту хандырары-биле ажылдап турган үезинде читкен деп санадып турар автомашинаның “ийис эжин” дозуп алган.
«Nissan Fairlady Z» марканың Казах Республиканың бүрүткел дугаарлыг автомашинаны Интернациональная кудумчузунда 105 “А” дугаарлыг бажың чанынга орук-хайгыыл албанының ажылдакчылары доскаш, хынап көөрге, 28 харлыг чолаачы башкарып чорааны автомашинаның документилерин, чолаачының шынзылгазын болгаш Казах Республиканың 46 харлыг чурттакчызының адында бүзүредилге саазынныг болган.
Улаштыр сайгарары-биле чолаачыны башкарып чорааны автомашиназы-биле Красноярскының Тыва Республикада Каайлы албанынче дамчыткан.
Маңаа демдеглээри болза, читкен автомашинаның “ийис эжиниң” өңү, марказы, VIN-коду, үндүрген чылы, дугаар демдээ шупту дүгжүп турар болган. КАИ ажылдакчылары бо таварылгада, автомашиналар шак ындыг дөмей болур дүрүм хажыдыышкыны деп санап турар. Чүге дээрге болганчок-ла оор автомашиналарга меге документилерни кылгаш, каайлы хыналдазы чокка кызыгаарны эрттирип турар.
ИХЯ-ның ТР-де КАИ албаны автомашина садып алырда, хамаатыларны кичээнгейлиг болурунче кыйгырып турар. Ынчангаш Күрүнениң автоинспекциязының албан-ёзу сайтызынче (https://гибдд.рф/check/auto) киргеш, садып ап турар машиназының юридиктиг талазы арыг бе дээрзин оон хынап ап болур.
ИХЯ-ның ТР-де Күрүнениң автоинспекциязының эргелели.
