Улусчу фронтунуң күүсекчи комитединиң даргазы Михаил Кузнецов Ростов-на-Донуга бистиң машиналарывысты дүжүреринге киришкен.
Регионнар аразынга "Джип-спринт" деп маргылдааның тиилекчизи, эде кылган ГАЗ-69 бөгүн "Автопоезд" машиналары-биле деңге Ростов-на-Донуда четкен.
"Шупту кожууннарның чурттакчыларынга улуу-биле өөрүп четтирип тур мен! Силер ёзулуг маардырлар силер! Тыва эң хөй машиналарны чыгган, ол дээрге, чуртка, фронтуга, тиилелгеге сөңнээн 40 машина-дыр. Силерге база катап улуу-биле четтирдивис. Бо дээрге ууттунмас белек-тир. Ам каш-ла хонгаш, чидиг демиселдиг фронт шугумунда албан-хүлээлгезин эрттирип турар бистиң оолдарывыска бо машиналарны чорудуп эгелээр бис.
Удавас, май 8-те, регионнардан 60 делегация Ростов-на-Донуга келир. ТШО-да бистиң чаңгыс чер чурттугларывыска байырлыг байдалга машиналарны тыпсыры-биле Тываның делегециязын республиканың Баштыңы Владислав Ховалыг баштап келир. Улусчу фронтунуң регионалдыг күүсекчи комитединиң даргазы Саима Далчин болгаш Тываның делегациязы машиналарны дүжүрүп, документилерин аайлап, машиналарның техниктиг байдалын хынап, идепкейлиг дузалажып турар.
Бистиң корр.
#Шынсолун #Автопоезд #Тывачазак #Улусчуфронт #Тыва #Медээлер
