Аза черниң черлик чүвези-дир. Ынчангаш азалар ээн черлерге көзүлгүлээр. Аза шаандагы эрги чурттарга, чоогалар аастарынга, кыйыг черлерге чоргулаар.
Чамдык азалар боттары көзүлбес, ооң чүгле ыыт-шимээни, ыр-шоору дыңналып келгилээр. Кежээкиниң кызыл-хүнде кончуг хөй көзүлгүлээр. Азалар хөй кезиинде кижи дүрзүлүг болгулаар. Оон аңгыда ыт-куш, аң болгаш мал-маган-даа болуп чоруур.
Чорук чораан кижи дедир аастыг чоога аксынга хонуп болбас. Эрги чуртка хонар орнунга, ээн черге хонганы дээре дээр. Азалар өөр-бөлүк чорбас, ийи-чаңгыстап көзүлгүлээр. Аза кижилерге дуза-даа чедирип шыдавас, хора-даа чедирбес чүве дээрзин бурунгу ашактар чугаалаар.
/ Тыва улустуң мифтери болгаш тоолчургу чугаалары.
Чурукту интернеттен алган.
“Шын №2 2025 чылдың январь 22