К.И. Чуковский аттыг уругларның ном саңы тускай шериг операциязында киржип турар шериг албанныгларның болгаш мобилизацияже кыйгыртканнарның өг-бүлелерин деткиири-биле “Ажык дээр адаанда ном саңы” деп акцияны эрттирген.
Ном саңының ажылдакчылары уругларның сайзыралынга кончуг ажыктыг тоолдар, чугааланып турар азбука, дириг амытаннар, динозаврлар дугайында энциклопедиялар, өңнээр номнар, спорт болгаш оон-даа өске темаларга 3D хевирниң номнарының делгелгезин кылган.
Каттырынчыг, хөглүг, чаптанчыг, буянныг мультфильм маадырлары кудумчуга уруглар-биле шимченгир оюннар ойнавышаан, оларның сагыш-сеткилин өөрткеннер.
