Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Ажылы кызымак

21 августа 2025
8

Улуг-Хем кожуунда бүгү хевирлерниң көдээ ажыл-агыйлары 2025 чылда ниитизи-биле 11 781 тонна мал чемин белеткеп алыр планныг:

- көдээ ажыл-агый кооперативтери болгаш кызыгаарлаан харыысалгалыг ажыл-агый-лар – 500 тонна.

- тараачын-фермер ажыл-агыйлар – 5,450 тонна

- хууда дузалал ажыл-агыйлар – 5,781 тонна

Албан-организацияларының коллективтери 50 тонна сигенни кожууннуң мал чеминиң курлавырынга белеткээр.

Улуг-Хем кожуунда хөй чылдыг сиген 456,6 га, чайгаар үнген сиген 5,308 га шөлде. Көк-Чыраа суурнуң чурттакчыларының, Чодураа, Арыг-Бажы, Торгалыг сумуларда чурттакчы чоннуң болгаш көдээ ажыл-агыйларының сиген кезип алыр чери Чааты хем унунда оът-сигенниң дүжүткүрү, эрткен чылга деңнээрге, элээн таары болган. Ооң чылдагааны эрткен частың болгаш чайның агаар бойдузунуң кааңдаашкынныг болганы. Улуг-Хем кожууннуң девискээринде чайгаар үнген сигенниң суггаттыг шөлдерде бедии 18-25 сантиметр, суггат чок черлерде 15-18 сантиметр. Эрткен час болгаш чай кончуг изиг болгаш, чер адааның сугларының деңнели кудулаан, хемнерниң суу кызыы болгаш, суггатты долузу-биле чорударынга чедишпес болган.

Агаар-бойдустуң аажок кааңдаашкынныг байдалынга мал-маганның кыжын эң кол чеми сигенниң белеткелин кожууннуң ажыл-ишчилери кызымак чорудуп турар. Механизастаттынган 18 бригадада 210 кижи, хол кадыыры-биле кезер 12 кижи мал чеминиң белеткелинде хаара туттунган.

Улуг-Хем кожууннуң администрациязының көдээ ажыл-агый килдизиниң медээлери-биле алырга, сөөлгү хүннерге чедир 1800 га шөлден 1650 тонна сигенни мал чеминге кезип белеткээн.

Хөй чылдыг тарымал сигенниг шөлдерден мал чеми белеткеп алырын тараачын-фермерлер Ш.Ч. Монгуш, М.С. Данзы-Белек олар кызымак чорудуп турар. Хууда дузалал ажыл-агыйлыглар 10 тонна оранчок ажыг сигенни кезип белеткээн. Чайгаар үнген сигенниг шөлдерден фермерлер 762 тонна ажыг, хууда дузалал ажыл-агыйлыглары 864 тоннадан хөй сигенни кезип белеткеп алган.

Мал чеминге белеткээн сигенни кыштагларга сөөртүп чедирип турар.

Улуг-Хемниң көдээ ишчилери мал чеми белеткээрин орай күске чедир чорудар, хову-шөлдерде, ой-чикте дээш кайда сиген шору үнген-дир, аргалыг-ла болза, шуптузун кезип алыр сорулгалыг.

Ш. Күжүгет белеткээн.

Чуруктарны Улуг-Хем кожууннуң социал четкизинде арнындан алган.

2025 чылдың август 21 “Шын” №32