Эргим чаңгыс чер чурттугларым!
Улусчу байырлал Наадым-биле эң изиг байырымны хүлээп ап көрүңер!
Тыва улустуң ажыл-ишчи чаңчылдарын болгаш сагыш-сеткил хайыраларын камнап-кадагалап чоруур эң үнелиг эртинелерниң бирээзи Наадым — бүгү чоннуң ынак байырлалы.
Мерген угаан-медерели база шудургу ажыл-ижи-биле өг-бүлениң болгаш бистиң республикавыстың амыр-чаагай чоруун, экономиктиг сайзыралын тургузуп чоруур ажыл-ишчилерни алгап-йөрээп, шаңнап-мактап, алдаржыдып турар-дыр бис.
Тургузукчу ажыл-ишке чедиишкиннерни, быжыг кадыкшылды, тайбыңны болгаш амыр-чаагай чорукту күзеп тур мен!
Тыва Республиканың Баштыңы В.Т. ХОВАЛЫГ.
“Шын” №27 2025 чылдың июль 17