Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
09 августа, вт

Байыр чедириишкини

8 июля 2022
13

Июль 8-те бүгү Россияга Өг-бүле, ынакшыл болгаш шынчы чоруктуң хүнүн байырлап эрттирген. Президент В. Путин ол байырлалды албан езузу-биле доктаадырының дугайында Чарлыкка атты салган. Тываның Баштыңы Владислав Ховалыг өг-бүлелерге байырны чедирген.

– Эргим чаңгыс чер-чурттугларым, Өг-бүле, ынакшыл болгаш шынчы чоруктуң хүнү-биле силер бүгүдеге сеткилимниң ханызындан байырым чедирип тур мен!

Өг-бүле дээрге кижиниң амыдыралында эң-не эргим, үнелиг чүүл болур, ынакшылдың, бүзүрелдиң, хүндүткелдиң, деткимчениң үнер дөзү ол. Тывада быжыг өг-бүле тудары чаагай чаңчыл болур. Мээң өг-бүлем – мээң быжыг чөленгиижим, мээң деткимчем, меңээ эң-не эргим кижилер ол.

Кижи бүрүзүнге бо байырлал чоок улузунга, ада-иезинге, ажы-төлүнге чогуур кичээнгей салырының база бир онзагай хүнү болзун. Өг-бүлелериңер быжыг болгаш эгээртинмес аас-кежиктиг болурун күзедим!

Тыва Республика найыралдыг, быжыг өг-бүлелери-биле сурагжаан болгай – оларның саны чылдан чылче немежип олурар. Байырлалга тураскаадып, “Ынакшыл болгаш шынчы чорук дээш” медальдарны шак ындыг өг-бүлелерге тывыстывыс. Бо чылын бүгү Тывадан 50 өг-бүле ындыг бедик шаңналга төлептиг болган!

Оларның аразындан Александр Михайлович биле Анисья Ивановна Базыр-оолдарның өг-бүлезин онзалаксап тур мен. Олар кады 54 чыл чурттап, төлептиг ажы-төлдү, уйнуктарны өстүрүп кижизиткен, ам ачыларының саны немежип турар.

Кадыкшылды, күзелдерниң чогуп-бүдерин, узун назынны болгаш өлчей-кежиктиг чуртталганы күзедим!

Тываның Баштыңы Владислав Ховалыг.