2025 чылдың декабрь 31-ден 2026 чылдың январь 11-ге чедир Чаа чыл байырлалының дыштаныр хүннеринде эмчи дузазын канчаар чедирериниң чурумун Тываның Кадык камгалал яамызы тургускан.
Улуг-даа, бичии-даа улуска дыштаныр хүннерде эмчи дузазы херек апарза, эртенгиниң 8:00 шактан кежээкиниң 20:00 шакка чедир эмчини бажыңче кыйгырып болур. Эмнелге ажылдакчылары эмчи дузазы кыйгырган улусту 22:00 шакка чедир эргип, дузаны чедирер.
Кайнаар долгап болурул?
- Республиканың уруглар эмнелгези - 6-14-24
- 1 дугаар республика эмнелгезиниң консультация-диагностиктиг поликлиниказы - 2-07-53
- Республиканың консультация-диагностиктиг төвү - 3-73-73
- Стоматология поликлиниказы - 3-09-05, 2-95-00
- Перинаталдыг төп - 7-75-77, 8-800-200-8339
Кызыл хоорайда болгаш кожууннарда поликлиникаларга дежурный терапевтер 2026 чылдың январь 3, 5, 8, 10 хүннеринде эртенгиниң 9:00 шактан кежээкиниң 17:00 шакка чедир хүлээр.
Бичии уругларны кожууннарның төп эмнелгелеринге, кожууннар аразының эмнелге төптеринге, фельдшер-акушер пунктуларынга (ФАП) болгаш Кызыл хоорайның Чехов кудумчузунда 65 дугаар оран-савада Уруглар эмнелгезинге 2026 чылдың январь 3, 6, 10 хүннеринде эртенгиниң 9:00 шактан хүндүскүнүң 15:00 шакка чедир хүлээр.
Иштиг херээжен кижилерни кожууннарның төп эмнелгелеринге, кожууннар аразының эмнелге төптеринге, фельдшер-акушер пунктуларынга (ФАП), амбулаторияларга болгаш Кызыл хоорайның Чүлдүм 42-де болгаш Московская 108-те херээженнер консультацияларынга январь 3, 6, 9 хүннеринде эртенгиниң 9:00 шактан хүндүскүнүң 15:00 шакка чедир хүлээр.
Диш эмчизиниң дузазы:
Улуг-даа, бичии-даа улуска диш эмчизиниң далаштыг дузазы херек апарза, 2025 чылдың декабрь 31-ден 2026 чылдың январь 11-ге чедир эртенгиниң 9:00 шактан хүндүскүнүң 16:00 шакка чедир дежурный диш эмчизи ажылдаар.
План ёзугаар улуг-даа, бичии-даа кижилерни 2026 чылдың январь 3, 5, 8, 10 хүннеринде эртенгиниң 9:00 шактан хүндүскүнүң 15:00 шакка чедир хүлээр.
Диш эмчизиниң дүрген дузазы кожууннарның диш кабинеттеринге январь 3 биле 8-те 9:00 шактан 15:00 шакка чедир ажылдаар.
Хирургтуң болгаш процедурный кабинеттер:
январь 1, 3, 5, 7, 9, 11 хүннеринде 10:00 шактан 15:00 шакка чедир Кызыл хоорайның Дружба 36 А-да Республиканың консультация-диагностика төвүнге,
декабрь 31-де болгаш январь 2, 4, 6, 8, 10 хүннеринде Республиканың 1 дугаар эмнелгезинге, кожууннарының төп эмнелгелеринге, кожууннар аразының медицина төптеринге,
январь 5 биле 8-те 10:00 шактан 13:00 шакка чедир Республиканың уруглар эмнелгезинге ажылдаар.
Республиканың наркология диспансериниң чыдып эмнедир салбыры декабрь 31-ден январь 11-ге чедир 8:00 шактан 16:00 шакка чедир ажылдаар.
Дүн-хүн чокка ажылдаар эмнелге албан черлери:
Республиканың консультация-диагностиктиг поликлиниказының Кызылда травмотология пунктузу,
дүрген эмчи дузазы, ооң иштинде авиация база.
Байырлалдың дыштаныр хүннеринде айыылдыг байдалдар тургуспас дээш, эмнелге ажылдакчылары чаа төрүттүнген чаштарны патронажтап, социал адыр-биле кады иштиг херээжен кижилерниң болгаш ажы-төлдүг өг-бүлелерни хынап чедерлер. Ол ышкаш кылаштаары багай, ооң иштинде хоочу аарыгларлыг, кадыы кызыгаарлыг хамаатыларны база хайгаараар.