Канчаар эде тургустунарыл? Чаа чылдың шайлаашкыны доозулган, чаагай салаттар болгаш торттар чиртинген, суксуннар ижиртинген, ам мурнувуста дошкун ажыл хүннери бисти манап турар. Артык килдер немежип, ижин аартап, шагзыргай апаары билдингир болгай. Шак мындыг байдалда бистиң организмивиске «арыглаашкын» херек апаар.
Ону айыыл чок кылдыр канчаар эртер. Чаа чылдың узун дыштаныр хүннеринде шын чемненилгениң дүрүмнерин сагыырын гастроэнтерологтар сүмелеп турар. Эң-не кол дүрүм — чем чиксеп, аштай бергенин билипкеш, ынчан чүгле чемненири. Чүгле бодун «чаан чииринге белен» апаар чыгыы аштаан байдалга чедирбези күзенчиг.
Чаа чылдың шайлаашкынының соонда, даартазында, магнийлиг минералдыг сугну хөй ижерин сүмелеп турар. Ол организмни дүрген арыглаптар. Ол ышкаш улуг щёлочьтуг РН боорда, минералы чавыс сугну чем чиир мурнунда 30-40 минута бурунгаар азы чем аразында ижер. Ол организмден токсиннер үндүреринге база ханның кислота-щёлочьтуг балансызын катап тургузарынга дузалаар. А ижин чазаар (слабительный) эмнерден ойталааны дээре, ол организмни оон-даа дорайтадыптар.
Байырлалдар соонда организмни чиигедири-биле эки хайылдырар белоктарны сүмелеп турар: чуурга, ак сорттуң балыы, ак эът, ногаа-чимис, ферментилиг продуктулар: дузаан капуста, свекла дээш өске-даа дузаан ногаа аймаа. Ооң-биле кады күш-дамырыңарны сайзырадырын утпаңар. Чүгле аъш-чем эвес, кислород база организмге күш бээр. Арыг агаарга дыштанырын кызыдыңар, болдунар болза спортчу азы активчи агаарлаашкынны азы чоок улузуңар-биле таарымчалыг байдалга үеден эрттириңер.
“Шын” №1 2026 чылдың январь 15