Тыва Республиканың башкыларының чөвүлел хуралы август 23-те болур. Ол дугайында Тываның өөредилге сайыдының хүлээлгезин күүседип турар Елена Самбала бодунуң блогунда бижээн. Өөредилге адырында сорулгаларны болгаш чидиг айтырыгларны сайгарып чугаалажыр чугула платформа үрде манаан база кол хемчег болур деп, яамының удуртукчузу дыңнаткан.
Чөвүлел хуралга өөредилгениң шупту чадаларында педагогика ажылдакчыларының болгаш удуртукчуларның профессионал өзүлдезинге үзүк чокка таарымчалыг байдалдарны тургузарының дугайында айтырыгны чугаалажыр. Оон аңгыда хуралга чаа өөредилге чылының планын дөзевилээр.
«Август 23-те эрткен өөредилге чылының түңнелдерин үндүрбүшаан, чаа өөредилге чылының сорулгаларын болгаш хөгжүлдениң угланыышкыннарын тодарадып алыр бис. Чаңгыс аай өөредилге чорудуунуң хөгжүлдезинче угланган хемчеглерни чаарттынган күрүнениң федералдыг өөредилге стандарттары ёзугаар онза чугула сорулгаларже киирер. Ооң иштинде «Күш-ажыл" (технология), «Төрээн чурт камгалалының болгаш айыыл чок чоруунуң үндезини» эртемнерни киирери. Өөредилгениң шупту чадаларында педагогика ажылдакчыларының болгаш удуртукчуларның профессионал өзүлдезинге үзүк чокка таарымчалыг байдалдарны тургузарының дугайында айтырыгны көдүрер бис» — деп, Елена Самбала демдеглээн.
ТР-ниң Чазааның парлалга албаны.