Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Башкының хүнү — улусчу байырлал

11 октября 2023
12

В.Ш. Көк-оол аттыг Национал театрга Башкының хүнүнге тураскааткан байырлыг хуралга республиканың аңгы-аңгы булуңнарындан эң дээре ажылдыг башкылар, өөредилге адырының хоочуннары чыглып келген. Бо байырлал езулалынга регионнуң Баштыңы Владислав Ховалыг, Чазактың оралакчы даргазы Орлан Сарыглар, ТР-ниң Дээди Хуралының Даргазы Каң-оол Даваа болгаш Тываның өөредилге сайыды Елена Хардикова олар киришкен.

Байыр чедириишкинниг сөстү Владислав Ховалыг чугаалаан. Башкының хүнү – ылап-ла улусчу байырлал дээрзин ол демдеглээн. Бо хүннерде Тывада 110 муң ажыг өөреникчилер өөренип турар, ол дээрге республиканың чурттакчыларының үштүң бири-дир.

«Өөредилге системазын хөжүдери болгаш сайзыраңгайжыдары – регионнуң Чазааның ажыл-чорудулгазының кол угланыышкыннарының бирээзи болур. Тываның төөгүзүнде хары угда 11 чаа школаны тудуп турар. Сөөлгү ийи чылдың дургузунда 40 школаны үндезини-биле септээн болгаш чаарткан, көдээ школаларда “Өзүлдениң өзүмнериниң” 128 төвү болгаш школа назыны четпээн уругларның өөредилге системазы хөгжүлдени алган, оларда бөгүн ийи чүс ажыг уруглар садтары бар, оларны ам-даа тудары уламчылап турар” – деп, Тываның Баштыңы чугаалаан.

Бо чылын ажыглалга киирер деп турар ийи школага республиканың ат-сураглыг өөредилге сайыттары чораан Дөжүлдей Ондар биле Петр Морозовтуң, а Тываның өөредилге хөгжүлдезиниң болгаш башкылар билии бедидер институдунга Регина Бегзиниң аттарын тывыскан дээрзин губернатор демдеглээн.

Чаңчылчаан шаңнал тыпсыышкыны-биле хуралдың байырлыг кезээ доозулган. Тываның Баштыңының холундан күрүне шаңналдарын өөредилге адырының 18 мурнакчызы болгаш хоочуну алган.
Езулал үезинде дөрт башкыга “Тыва Республиканың өөредилгезиниң алдарлыг ажылдакчызы” атты тывыскан.

Өөредилге адырынга хөй чылдарда үре-түңнелдиг ажылы дээш Кызыл хоорайның 1 дугаар школазының физика башкызы Галина Сухованы, 10 дугаар школаның орус дыл болгаш чогаал башкызы Тамара Курыгинаны болгаш “Тываның көдээ ажыл-агый технологиялары техникумунуң” хоочуну Александр Адымачини шаңнаан.
Оон аңгыда, педагогика ажылынга чедиишкиннери дээш Россияның Президентизиниң шаңналын Кызылдың 12 дугаар ортумак школазының орус дыл болгаш чогаал башкызы Елена Тупицына, Шагаан-Арыг хоорайның 1 дугаар школазында эге класстар башкызы Софья Көрген-оол, Чадаана хоорайның 1 дугаар школазының физика башкызы Снежана Куулар, Кызылдың 5 дугаар школазының биология башкызы Чойган Сендажы, найысылалдың 17 дугаар школазының хореография башкызы Уяна Ооржак болгаш 16 дугаар лицейниң физика башкызы Март-оол Кунчу олар алганнар.

Артур ХЕРТЕК.

2023 чылдың октябрь 7, "Шын" солун, №76