Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Баштайгы сооктарны эртип алыр бис…

29 ноября 2023
30

2017 чылдан бээр боттандырып эгелээн “Социал хөмүр-даш” төлевилелдиң деткимчези-биле одаар чүүл алыр өг-бүлелерниң саны 2022 чылга чедир көвүдеп турган. Чижээлээрге, 2018 чылда 1061 өг-бүле алган болза, 2021 чылда 3222 өг-бүлеге чедир өскен. 2023 чылда социал дуза-биле одаар чүүл алыр өг-бүлелерниң саны элээн эвээжээн – 2971 өг-бүле чагыгларны киирген. Ооң чылдагаанын өг-бүлелерниң күрүнеден ап турар төлевирлериниң көвүдээни-биле деп социал камгалал органнары тайылбырлап турар.

ТР-ниң Күш-ажыл болгаш социал политика яамызының дыңнадып турары-биле алырга, бо кыжын халас хөмүр-даш болгаш ыяш алыр өг-бүлелерниң хөй кезии оттулар чүүл-биле хандыртынган.

Ниитизи-биле социал деткимчени 2726 өг-бүле алган. Оларга 5885,88 тонна хөмүр-даш болгаш 359 куб метр ыяшты дүжүрүп берген.

Каа-Хем кожуун чагыргазының социал политика талазы-биле оралакчызы, Айлана Уванзай:

– Бо чылын «Социал хөмүр-даш» төлевилелиниң деткимчези-биле 129 өг-бүле одаар чүүлдү алган. Ол дээрге дөрттен хөй ажы-төлдүг өг-бүлелер болуп турар. Өреге бүрүзүнге 2 тонна хөмүр-даш көрдүнген. Төлевилел эгелээнден бээр ук деткимчени Каа-Хем кожууннуң 898 өг-бүлези алган.

Төлевилелдиң киржикчизи, Клара Моңгуш:

– Беш ажы-төлдүг аныяк өг-бүле бис. «Социал хөмүр-даш» губернатор төлевилелинде ийи дугаар чыл киржип, күрүнениң деткимчезин ап тур бис. Бо төлевилелдиң ачызында ажы-төлүм-биле чылыг бажыңда чурттап олур бис. Өөм ээзи тускай шериг операциязынга киржири-биле чоокта чаа аъттаныпкан. Хөй ажы-төлдүг өг-бүлелерге көрдүнген деткимче дээш өөрүп четтиргенимни илередир-дир мен. Ниитизи-биле беш тонна хөмүр-даш-биле кыштаар бис. Ооң барык дөртен беш хуузун күрүне биске бергени бо. Хөй ажы-төлдүг өг-бүлеге дыка улуг деткимче-дир ийин. Деткимчеге алган хөмүр-дажывыс-биле баштайгы сооктарны эртип алыр-дыр бис.

Айдың ОНДАР.

Авторнуң тырттырган чуруктары.


“Шын” №91 2023 чылдың ноябрь 29