Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

База бир школа септеттинген

5 августа 2023
17

Барыын-Хемчик кожууннуң Дөң-Терезин школазын «Өөредилгениң школа системаларының чаартылгазы» деп федералдыг программа-биле бо чылдың апрель айда бүрүнү-биле септеп эгелээн. Тудугну хүлээнип алган организация август 3-те ажылын дооскаш, объектини хүлээткен.

1986 чылдан тура капиталдыг септелге чоруттунмаан өөредилге албан чери бүрүнү-биле чаарттынган. Ажылынга харыысалгалыы дээш, тудугжуларга база септелгениң чорудуун эки хайгаарап турганы дээш, тус чер чурттакчыларынга Тываның Баштыңы Владислав Ховалыг өөрүп четтиргенин илереткен.


Хуу сайгарлыкчы Вячеслав Хуурак эрткен чылын бодунуң командазы-биле Чадаана хоорайның 3 дугаар школазын база Эйлиг-Хем школазын септээн. Ынчан ол өөредилге албан черлериниң удуртукчулары, а кол-ла чүве ажы-төл, оларның ажылынга таарзынган. Бо удаада база ооң ажылчыннары харыысалгалыын көргүскен.

Тудугжулар школаның серизин солааш, ханаларын дескилээш, суг дамчыдылгазын болгаш одалга системазын чаарткаш, электри удазыннарын шуптузун солааш, өрт сигнализациязы биле видеохайгаарал системазын тургускан. Школаның мурнуу талазы биле кирер чери чаарттынган, ишти чырааш, делгем апарган.
Школаның коллективи школа девискээринде теплицаны тургускаш, ногаа-чимисти олурткан. Күскү дүжүдүн өөреникчилерниң изиг чеминге немелде кылдыр ажыглаарын планнап турар.

Дөң-Терезин школазы чогуур үезинде дужааттынган үшкү объект болуп турар. Ынчап кээрге «Өөредилгениң школа системаларының чаартылгазы» деп федералдыг программаның акшаландырыышкыны-биле септеттинип турар 13 школаның үжү чаа өөредилге чылында өөреникчилерин хүлээр аргалыг. Ол дээрге Каа-Хем кожууннуң Бүрен-Аксы, Өвүр кожууннуң Ак-Чыраа школалары база Барыын-Хемчик кожууннуң Дөң-Терезин школазы-дыр.

Бистиң корр.

"Шын" №58, 2023 чылдың август 5