Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

База катап...

30 октября 2023
19

ТЫВАНЫҢ АВТООРУКТАРЫНДА

Р-257 автооруктуң Кызыл – Хандагайты участогунуң Улуг-Хем кожууннуң девискээринде 902 километринге октябрь 28-те, эрткен субботада, улуг автотранспорт айыыл-халавы болган. Ол хүн кежээкиниң 19 шак үезинде “Тойота Приус” марканың даштыкы машиназын башкарып чораан эзирик чолаачы орукка автомобиль шимчээшкининиң уткуштур талазынче үне халыткаш, “Лада Приора” машина-биле чылча үскүлештирген. Ооң уржуунда “Тойота Приус” биле “Лада Приора” машиналарның чолаачыларының кайызы-даа ол дораан өлген, олардан өске 2 пассажир болгаш 2 хар четпээн бичии уруг амы-тынындан чарылган.

Автотранспорт айыыл-халавы болган черге дүрген келген иштики херектер ажылдакчылары биле дүрген дуза чедирер эмчилер 3 болгаш 7 харлыг бичии уругну, 3 улуг кижини Улуг-Хем кожууннуң Шагаан-Арыг хоорайда төп эмнелгезинге аппарып чыттырган. Ол эмнелгениң эмчилери кемдээн кижилерге эргежок чугула баштайгы медицина дузазын дүрген чедирген. Оларга дузалажыр болгаш айыыл-халапка таварышкан пассажирлерниң амы-тынын камгалап арттырары-биле республика эмнелгезиниң болгаш республиканың бичии уруглар эмнелгезиниң эмчилериниң бригадаларын Шагаан-Арыгже дүрген чоруткан.

Тыва Республиканың Чазааның даргазының оралакчызы Орлан Сарыглар автотранспорт айыыл-халавынга амы-тынындан чарылган болгаш кемдеп-кергээн кижилерниң өг-бүлелеринге республиканың удуртулгазының өмүнээзинде кажыыдалды илередип, оларга бүгү талалыг дузаны көргүзерин дыңнаткан.

Октябрь 28-те Р-257 автомобиль оруунга болган автотранспорт айыыл-халавынга хамаарыштыр истелге херээн РФ-тиң Тыва Республика талазы-биле Истелге комитеди ажыткан.

Эзирик чолаачыларның буруузу-биле Тываның оруктарынга бо чылдың сентябрь, октябрь айларда 3 автотранспорт айыыл-халавы болуп, 13 кижи амы-тынындан чарылганы ол. Сентябрь айның эгезинде база-ла Р-257 оруктуң 926 километринге ийи автомобиль үскүлешкеш, 5 кижи амы-тынындан чарылган. Октябрь 26-ның хүнүнде Кызыл – Эрзин автооруктуң 92 километринге база ийи автомобиль үскүлешкеш, 3 кижи амы-тынындан чарылган. Октябрь 28-те Р-257 орукка автомобильдер үскүлешкеш, 5 кижи амы-тынындан чарылган. Ол шупту айыыл-халаптарга буруулуг кижилер – эзирик чолаачылар.

Бистиң корр.

Чурукту интернеттен алган.