1. Чылдан чылче чыглы берген идик-хепти аайлааш, эргижирээн, самдарарганын аңгылааш, үндүр октаар. Байдалы эки-даа болза, кеттинмес хевиңерни улуска үлеп азы ырадып кааптары күзенчиг. "Эргиндилер орнунга, чаа хептер көвүдезин" деп боданып алгаш, аайланыр.
2. Бажың иштинге тудуп болбас чүүлдерниң бирээзи — бузук, тиглиг аяк-сава, шилден кылыглар, көрүнчүк.
3. Сагыжыңарга кирбээн, хөңнүңер чок белектерни база бажыңдан ырадыр болза эки. Белек сөңнээн кижи арай багай сагыш-биле азы хөөн чок бергениниң демдээ-дир.
4. Саарзык чүүлдерни эштээр азы ырадыр болза чогумчалыг.
5. Үрелген эт-септи аргалыг-ла болза, үндүр октааны дээре.
6. Үрелгеш, турупкан, ажылдавайн турар шакты септээриниң аргазын көөр, ол хей болза, бажыңдан ырадыр.
7. Бажың иштин аштап-арыглаарда, бир эң-не кол чүүл — ширбииш. Бажың иштинден каракка көзүлбес багай чүүлдерни ооң-биле үндүр ширбип кааптар дээр болгай. Эргилээш, тазарган, самдар ширбииш күш чок, а харын-даа багай чүүлдерни чыып, көвүдедип болур.
8. Кылган «өлүг» чечектер бажың иштинге турбас болза эки. Ооң орнунга чараш савага дириг чечектер өстүргени дээре. Белекке алган боодал чечектер оңарга-ла, бажыңга үр тутпайн ырадыр.
9. Өлүг дириг амытаннар дүрзүлери (чучело), мыйыстары бажыңга багай энергия эккээр.
10. Багай, чедимче чок үнген фото-чуруктарыңарны октааш, катап аянныг кылдыр тырттырып алыңар. Бодуңарның сеткил-сагыжыңарга таарышпас кандыг-даа чүүлдү аргалыг-ла болза, бажыңдан ыратканы дээре.
Чурукту интернет четкизинден алган.
“Шын” №8 2025 чылдың март 6