Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Бедик шаңналдарны тывыскан

4 мая 2024
5

Россия биле Тываның социал-экономиктиг болгаш культурлуг хөгжүлдезинге улуг үлүүн киирген төлептиг кижилерге шаңналдарны Частың, найыралдың болгаш күш-ажылдың байырлалының хүнүнде тыпсырының ёзулалы май 1-де Тыва Республиканың Чазааның бажыңынга болуп эрткен. Күш-ажылга, улус өөредилгезинге, кадык камгалалынга, спортка дээш өске-даа адырларга шылгарааннарга күрүнениң бедик шаңналдарын Тываның Баштыңы Владислав Ховалыг байырлыг байдалга тывыскан.

Күш-культура болгаш спорт адырынга чедиишкиннери, хөй чылдар дургузунда ак сеткилдиг ажылы дээш Россия Федерациязының Президентизиниң Өөрүп четтириишкин бижиин кулаа дыңнавас уругларның тускай спортчу школазының тренер башкызы Артыш Алексеевич Доржуга тывыскан.

Тываның Баштыңының Өөрүп четтириишкин бижиин Тыва Республика талазы-биле ОБЯ-ның Улуг-Хем кожуунда өрт-камгалал кезээниң диспетчери Георгий Владимирович Минасьянцка тывыскан.
Тыва Республиканың Баштыңының Хүндүлел бижиин чурукчу, күш-ажылдың хоочуну Оюн-оол Доктугу оглу Сат, саң-хөө адырынга хөй чылдар дургузунда чедиишкинниг ажылы дээш Федералдыг казначействонуң Тыва Республика талазы-биле эргелелиниң чарыгдалдар килдизиниң даргазының оралакчызы Ольга Владимировна Минеева, арга-ыяш ажыл-агыйын хөгжүдеринге киирген улуг үлүү дээш “Арга-арыгны өрттерден камгалаарының тыва авиация баазазы” автономнуг албан чериниң Тожу кожуунда авиасалбырының начальниги Николай Иванович Слепокуров оларга тывыскан.

Республиканың одаар чүүл болгаш энергетика адырынга хөй чылдар дургузунда ак сеткилдиг ажылдааны болгаш күш-ажылчы чедиишкиннери дээш ТЭК-4 башкарыкчы компанияның Ак-Довурак хоорай участогунуң машинизи Полина Өнер-ооловна Анандыга “Тыва Республиканың алдарлыг ажылдакчызы” хүндүлүг атты тывыскан.
Эртемден педагог кадрларны белеткээринге, республиканың социал-экономиктиг хөгжүлдезинге киирген үлүү дээш Тываның күрүне университединиң экономика факультединиң деканы Вячеслав Кыргысович Севекке “Тыва Республиканың алдарлыг экономизи” атты тывыскан.

Өөредилге адырынга хөй чылдар дургузунда ак сеткилдиг кызымак ажылы дээш “Тыва Республиканың өөредилгезиниң алдарлыг ажылдакчызы” хүндүлүг атты Каа-Хем кожууннуң Бүрен-Аксында кадыы кошкак уруглар школазының башкызы Клавдия Начыновна Ондар, Ш.Ч. Сат аттыг Чаа-Хөл ортумак школазының эге класстар башкызы Любовь Сергеевна Суваң, Хову-Аксы ортумак школазының башкызы Маргарита Бидинеевна Ооржак оларга тывыскан.

Культура болгаш уран чүүлге чедиишкиннери, шериг-патриотчу кижизидилгеге киирген үлүү дээш “Тыва Республиканың алдарлыг артизи” атты “Найысылал” ансамблиниң ыраажызы, 55-ки гвардейжи даг-адыгжы бригаданың өрт командазының өртчүзү улуг сержант Каадыр Сергеевич Чымбалакка тывыскан.

Кадык камгалалынга хөй чылдар дургузунда ак сеткилдиг ажылы болгаш кадык камгалалын хөгжүдеринге киирген улуг үлүү дээш “Тыва Республиканың алдарлыг эмчизи” хүндүлүг атты республиканың бичии уруглар эмнелгезиниң офтальмолог эмчизи Лариса Кенденовна Хертекке тывыскан.

Бедик спортчу чедиишкиннери болгаш спортчуларны белеткээринге киирген үлүү дээш “Тыва Республиканың алдарлыг тренери” хүндүлүг атты олимпийжи курлавырлар спорт школазының тренер башкызы Айдың Викторович Достайга тывыскан.

Хөй чылдар дургузунда ак сеткилдиг ажылы дээш “Тыва Республиканың культуразының алдарлыг ажылдакчызы” хүндүлүг атты Чеди-Хөл кожууннуң төпчүткен библиотека системазының директору Алефтина Сундуйовна Сарыг-Ламага тывыскан.

Күш-культураны болгаш спортту хөгжүдеринге киирген үлүг-хуузу дээш Барыын-Хемчик кожууннуң олимпийжи курлавыр спорт школазының директору Алим Байырович Ооржакты, хамаатыларның амы-тынының болгаш кадыының айыыл чогун хандырарынга бедик мергежилдии болгаш хөй чылдар дургузунда кызымак ажылы дээш “Авиацияның тыва шугумнары” авиакомпанияның директорунуң ужудар ажыл талазы-биле оралакчызы Анатолий Сынааевич Моңгушту, “Авиацияның тыва шугумнары” авиакомпанияның ужудукчузу Айдың Мергенович Санчайны «Тыва Республиканың мурнунга ачы-хавыяазы дээш» медаль-биле шаңнаан.

Күш-культураны болгаш спортту хөгжүдеринге киирген улуг үлүг-хуузу дээш тыва спорттуң хоочуну Анчикай Чадамбаевич Маадыны, Тываның экономиктиг хөгжүлдезинге киирген үлүг-хуузу дээш Кызылдың ЧЭТ ажык акционерлиг ниитилелдиң чиңгине директору Андрей Анатольевич Троцанны “Шылгараңгай күш-ажыл дээш” деп медаль-биле шаңнаан.

Тываның театр уран чүүлүн хөгжүдеринге киирген көскү үлүү, культура адырынга хөй чылдарда ак сеткилдиг ажылы дээш Виктор Көк-оол аттыг Национал хөгжүм-шии театрының хоочун артизи Александр Халарбааевич Салчакка Тыва Республиканың Баштыңының “Тыва чоннуң чоргааралы” күрүне шаңналын тывыскан.

Тываның экономиктиг хөгжүлдезинге киирген үлүү дээш “Водоканал-сервис” КХН-ниң чиңгине директору Владимир Александрович Фалалеевти “Тыва Республиканың мурнунга ачы-хавыяазы дээш” медаль-биле шаңнаан.

Республиканың экономиктиг хөгжүлдезинге киирген үлүг-хуузу дээш “Восток” КХН-ниң чиңгине директору Сергей Васильевич Уюсовка “Тыва Республиканың күш-ажылдың маадыры” атты тывыскан. Сергей Уюсовтуң орук болгаш тудуг адырынга удуртукчу болгаш организакчы ажыл-чорудулгазын ол хире бедии-биле үнелээнин шаңналдарны тыпсырының байырлыг ёзулалынга келгеннер демниг адыш часкаашкыны-биле деткээннер. Чүге дээрге Сергей Васильевичиниң боду хууда тургусканы болгаш амгы үеде удуртуп турары “Восток” КХН-ниң ажыл-херээ бүгүдеге билдингир.

Күрүне шаңналдарынга төлептиг болган эштер оларның ажылын шаңналдар-биле үнелээнинге өөрүп четтиргенин илередип, ол дээрге кады ажылдап чоруур эш-өөрүнүң ажылын база бедии-биле үнелээни ол-дур деп чугаалааннар. Чижээлээрге, “Тыва Республиканың өөредилгезиниң алдарлыг ажылдакчызы” хүндүлүг ат-биле шаңнаткан Любовь Сергеевна Суваң Чаа-Хөл ортумак школазының башкылары, өөреникчилери-биле бодунуң өөрүшкүзүн үлежип, оларга база өөрүп четтиргенин илереткен.

Тываның Баштыңы Владислав Ховалыг күрүне шаңналдарынга төлептиг болган башкыларга, эмчилерге, өртке удур албанның ажылдакчыларынга дээш өскелерге-даа оларның ажыл-херектеринге моон-даа соңгаар чедиишкиннерни, быжыг кадыкшылды, аас-кежикти күзээн, шаңнатканнар-биле тураскаал чуруккка тырттырган.

Ш. МОҢГУШ.

Буян ООРЖАКТЫҢ тырттырган чуруктары.


«Шын» №33 2024 чылдың май 4