РФ-тиӊ Федералдыг хуралыныӊ Федерация Чөвүлелиниӊ Даргазы Валентина Матвиенко республиканыӊ тургустунган хүнүн таварыштыр Тываныӊ чурттакчыларынга байыр чедирген.
Тываныӊ Баштыӊы Владислав Ховалыг биле Тываныӊ Дээди Хуралыныӊ (парламентизиниӊ) Даргазы Каӊ-оол Давааныӊ адрезинге келген Федерация Чөвүлелиниӊ Даргазыныӊ байыр чедириишкинниг телеграммазында мынчаар бижээн:
«Тыва Республика хүнү-биле силерге болгаш республиканыӊ бүгү чурттакчыларынга байыр чедирип тур мен! Тываны тургузарынга, ооӊ күчү-шыдалын быжыглаарынга сагыш-сеткилинден бичии-даа бол үлүүн киирген кижилерни бо төөгүлүг байырлал каттыштырып турар. Төрээн чери күштүг болгаш сайзыраӊгай болзун дээш республиканыӊ чурттакчылары бо сөөлгү чылдарда эвээш эвес шылгалдаларны, бергелерни чүткүлдүү-биле ажып эрткен, экономиктиг болгаш социал янзылыг хөй-ле берге ажыл-херектерни кылып шыдаан».
«… Амгы үеде Тывада элээн хөй адырлар: чурттаар оран-сава тудуу, элекроэнергетика, туризм индустриязы сайзырап турар. Келир үеде кедилиг Россия — Моол — Кыдат деп кызыыгарлар таварып эртер транспорт коридорунга чугула херек инфраструктураны тургузарыныӊ талазы-биле масштабтыг ажылды чорудуп турар» дээрзин Федерация Чөвүлелиниӊ спикери демдеглээн.
Тываныӊ Чазааныӊ медээлеринден Р.Демчик белеткээн.