Бо хүнде 12.00 шакта байдал дугайында Тываның Баштыңы бодунуң социал четкилеринге бижээн.
''Тываның Соңгулда комиссиязының 12.00 шакта берген медээлери-биле, республиканың Дээди Хуралының (парламентизиниң) депутаттарынче немелде соңгулдаларга соңгукчуларның 62,40 хуузу үнүн берип, бадылаан. 8 муниципалдыг соңгулдаларда ниитизи-биле соңгуур эргелиг чурттакчыларның 45,56 хуузу бадылаан.
Соңгулдаларга киришкен хамааты хөгжүлдениң эрткен үе-чадазын үнелеп, улаштыр сайзыраарының үндезинин тодарадыр аргалыг болур.
Ынчангаш соңгулда участогунга келгеш, боттарыңарның хамааты туружуңар илередиринче кыйгырып тур мен'' - деп, Тываның Баштыңы В. Ховалыг медеглээн.
Бистиң корр.
