ӨӨРЕДИГЛИГ ЧУГАА
Бир-ле катап мерген угаанныг ирейге кадайланып чадап каан аныяк оол сүме айтырып чедип келген. Өг-бүле тударынга бичии бодамча чок хал-мал чүүлдер дузалаар дээш, ирей бир өөредиглиг чугааны төөгүп берген:
— Бир катап чаъс чаай бээрге, даглыг хемниң унундан суг агып баткан. Хемниң өске талазынче кежер дээш эрик кыдыынга ийи кижи турган. Оларның бирээзи дыка угаанныг, а өскези шала тенексимээр. «Чаъс төнерге, суг сыыгай бээр болгай, ынчан хемни кежип шыдаар мен» деп угаанныг кижи боданган. А тенекпей манавайн-даа хемни сүзүп кеже берген. Ооң идик-хеви өдүп-даа кагза, хемниң өске талазынче кежер күзели бүткен.
Чаъс соксаар хамаан чок, дам-на күштүг кудуп эгелээн. Суг шапкын аккаш, хем улам улгаткан. Төнчүзүнде угаанныг кижи хемни кежип шыдаваан, чүге дизе ону кежери айыылдыг апарган.
Амыдыралда база шак-ла ындыг, «угаанныгбайлар» дидим базым кылып чадап турда, амыдырал шуудап каар.
«Шын» №42 2024 чылдың июнь 8
![](https://shyn.ru/media/cache/2024/06/10/oorediglig-chugaa-cab33f0063.jpg)