Будда Башкының овур-хевирин ыдыктаан

Таңды кожууннуң Суг-Бажы суурга суурга сарыг шажын чүдүкчүлеринге онзагай байырлал болган. Будда Башкының чырыткылыг деңнелче эрткен овур-хевирин чалаар ёзулалды кылган.

Таңды кожуун чагыргазының даргазы А.К. Монгуш келген аалчыларга, чүдүкчү чонга байыр чедиргеш, хемчегни ажыткан. Чыдар Будданың скульптуразы – махапаринирванаже чоруп турарының демдээ, тодаргайлаарга, чер кырынга чуртталгазының төнгени. Анаада Будданы оң талакы быктында чыдып алган кылдыр көргүскен боор, ооң арны барыын, а бажы соңгу чүкче угланган. Ону «арзылаң туружу» дээр. Ол дугайын «Махапаринирвана сутразы» төөгүп турар.