Тес-Хем кожууннуң төвү Самагалдай суурда «Буянныг ажыл-иш» деп аттыг өг-бүле клуву ажылдап эгелээн. Ооң байырлыг ажыдыышкынынга ТР-ниң Чазак Даргазының оралакчызы Орлан Сарыглар, кожууннуң хөй-ниити организацияларының кежигүннери болгаш идепкейлиг чон киришкен.
Өг-бүле төвүн «Уругларга фонд» деп федералдыг төлевилелдиң ачызында тургускан.
«Чаа клуб өг-бүлелерни хаара тудар болгаш бүгү Тес-Хем кожууннуң хөй-ниити организацияларының эгелээшкиннерин боттандырар төп болур. Аңаа өг-бүлелер чоок кижилери-биле хостуг үезинде солун болгаш чогаадыкчы хемчеглерге киржир аргалыг болур» — деп, клубту тургузар эгелекчи саналын киирген кожуун чагырыкчызының социал политика талазы-биле оралакчызы Регина Намчак чугаалаан.
Бистиң корр.
"Шын" №58, 2023 чылдың август 5