Амыдыраарынга көрдүнген акша-хөреӊгиниӊ кудуку хемчээлин Чаа чылда өстүрер. Ооӊ-биле холбаштыр 2024 чылдыӊ январь 1-ден тура чаӊгыс аай пособиениӊ хемчээлин база өстүрер.
Тыва Республикада амыдыраарынга көрдүнген акша-хөреӊгиниӊ дараазында кудуку хемчээлин доктааткан:
- бир улуг кижиниӊ – 15608 рубль;
- ажылдаар харык-шинектиг кижиниӊ – 17013 рубль;
- пенсионерлерниӊ – 13423 рубль;
- бичии уругларныӊ – 15155 рубль.
Иштиг херээжен улустуӊ чаӊгыс аай пособиезиниӊ хемчээлин болза, ажылдаар харык-шинектиг кижиниӊ амыдыраарынга көрдүнген акша-хөреӊгиниӊ кудуку хемчээлинден тодарадыр. Ол хемчээлдиӊ 50, 75 азы 100 хуузу бооп болур:
- 100 хуузун чөпшээрээн болза – 17 013 рубль;
- 75 хуузун чөпшээрээн болза – 12 759,75 рубль;
- 50 хуузун чөпшээрээн болза – 8 506, 5 рубль;
Бичии уругларныӊ чаӊгыс аай пособиезиниӊ хемчээлин болза, бичии уругларныӊ амыдыраарынга көрдүнген акша-хөреӊгиниӊ кудуку хемчээлинден тодарадыр. Ол хемчээлдиӊ 50, 75 азы 100 хуузу бооп болур:
- 100 хуузун чөпшээрээн болза – 15 155 рубль;
- 75 хуузун чөпшээрээн болза – 11 366, 25 рубль;
- 50 хуузун чөпшээрээн болза – 7 577, 5 рубль;
Тывада чаӊгыс аай пособиени 75 муӊ уругнуӊ ада- иези болгаш удавас ие болур 3537 кижи ап турар.
Россияныӊ Социал фондузунуӊ Тыва Республикада салбырыныӊ медээлеринден Р. ДЕМЧИК белеткээн.
«Шын» №100 2023 чылдың декабрь 30
