Бо чылын Россияның эртемденнери 10 чаа ажыдыышкынны кылган:
Одалга үлетпүрүнде амгы үениң атомнуг энергия станциязының реакторунга ажыглаар үлетпүр-дуржулгалыг технологияны ажылдап кылган. Ол одаар чүүл хөй каът камгалал шывыглыг микротвэл хевирлиг болур. Ооң дузазы-биле бедик температуралыг газ соодар реактор ажылдаар.
«Росатом» плазма хевирлиг күчүлүг ракета шимчедикчизиниң бир хевирин чогаадыпкан. Чаа херекселдиң дузазы-биле ракетаның күжү улгадып, мооң мурнунда Марсче 6-9 ай иштинде ужар турган болза, ам чүгле 1-2 ай дургузунда ужар апаар.
Ыжык болгаш өске-даа аарыгларны эмнээринге актиний-225 кирип турар эмнер кылырының патентизин Россияның эртемденнери камгалап алган. Ооң мага-ботка хоразы эвээш деп санаттынып турар.
Радионуклид терапиязында чурттуң «ракурс (223 га)» деп чаа эми чогааттынган. Радий-223 простата бестериниң ыжык аарыынга дузалаар. Аарыг ханылааш, сөөк-даякче халдай берген үеде аарышкыны намдадыр шынарлыг болганындан аарыг кижиниң ниити байдалы экижип, өске аарыг намдадыр эмнер сыкыртырын соксадыптар.
Арткан ажыдыышкыннар «Росатомнуң» космос, ракета болгаш ооң артык кезектери, эдеринчи-биле холбашкан. Кылымал угаанны эртемниң аңгы-аңгы адырларынга ажыглаары база кол черни ээлеп турар.
Идегел МОНГУШ белеткээн.
Чуруктарны интернет четкизинден хоолгалаан.
“Шын” №46 2025 чылдың ноябрь 27
