«Чаа чылдың Россиязы» аян-чорукчуларны ынак байырлалынче чалап турар

«Чаа чылдың Россиязы» деп байырлыг программа «Россия» Национал төпте ноябрь 21-де эгелээн, аңаа келген аалчылар бистиң чуртувустуң чоннарының культуразы болгаш чаңчылдары-биле таныжып, улусчу уран чүүлүнүң болгаш ус-шеверлерниң онзагай кылыгларын көрүп, бүдүн өг-бүлези-биле культурлуг хемчеглерге киржип болур. Национал төптүң байырлыг болгаш өске-даа хемчеглеринге киржири халас.

Кышкы дыштанылга хонуктарында, чаштарга-даа, элээдилерге-даа Чаа чылдың чымыштыг программазын белеткээн. Аалчылар солун мастер-класстарга, байырлал шинчизи долган «Күзелиңни бодап ал» деп экскурсияга киржип, «Щелкунчик» деп алдарлыг балетти көрүп болур. Программа февраль 1-ге чедир уламчылаар.

Чаа чылдың шивилеринде “оттар” кыпсыр езулал-биле Россияга байырлал эгелээр. Чурттуң сес федералдыг округтарының бирээзин илередип төлээлээн сес шиви төптүң девискээрин каастап турар. Төлээлекчи регионнуң шивизи культура, бойдус болгаш улусчу онзагайларын көргүскен тускайлаң каасталгалар-биле шиметтинген. Кудумчу дургаар «Күзелиңни бодап ал» экскурсиядан база «Россия» Национал төптүң делгелгезинден төлевилелдиң дугайында тодаргай медээлерни билип ап болур.

Чаа чыл байырлалының онзагай болуушкуннарының бирээзи «Щелкунчик» деп онзагай мультимедийлиг балеттиң бирги көргүзүү болур.

Чаңчылчаан шимчевес каасталгаларны улуг экраннарда видеочуруктар солуптар, а анимациялыг тускай шимчээшкиннер оюн-көргүзүгге тывызыксыг шинчини немээр. Көрүкчүлер орус балеттиң классиктиг чаңчылдарын болгаш амгы үениң технологияларын каттыштырганын магадап, тоолзуг оюн-көргүзүгге киржирлер. 2024 чылдың декабрь 28-30 база 2025 чылдың январь 4-5 хүннеринде оюн-көргүзүглерни планнаан.

Төпче келген аалчыларга өг-бүлениң Чаа чылының мастер-класстарынга шиви каасталгаларын, белектерни чараш кылдыр кылырын, ораарын өөредир. Хемчеглерниң болур үезин russia.ru деп сайтыдан көрүп ап болур.

“Россия Почтазының” деткимчези-биле тургускан “Чаа чылдың Россиязы. Кады күзээлиңер” деп төлевилел-биле аалчылар чоок улузунче Чаа чылдың байыр чедирген открыткаларын чорудар аргалыг. Төптүң ийиги каъдында тускай почта хааржаан тургускан, ооң чанында Чаа чылдың өңгүр открыткаларын делгей салган.

«Россия» национал төпте чаа чылдың аялгалары байырлал шинчизин улам каастаар. «Россия» Национал төпте байырлыг хемчеглер февраль 1-де доостур. Чаа чылдың шупту хемчеглери халас. Ынчалза-даа чамдык хемчеглерге киржирде баш бурунгаар бүрүткедип алыры чугула. Байырлал программазының дугайында тодаргай медээлерни russia.ru деп сайтыдан көрүп болур.

Россия Федерациязының Президентизи Владимир Путинниң айтыышкыны-биле «Россия» деп делегей чергелиг делгелге-шуулганның өнчү-хөреңгизин кадагалап, чурттуң болгаш ооң хамаатыларының чедиишкиннерин доктаамал көргүзер сорулга-биле «Россия» Национал төп тургустунган. Төптүң ажылынга федералдыг эрге-чагырга органнары, күрүне компаниялары, корпорациялар болгаш регионнар киржип турар.

«Россия» Национал төп бо адресте ажылдап турар: Москва хоорай, Краснопресненская набережная, 14. Төп понедельниктен өскеде, хүннүң-не 10:00 шактан 20:00 шакка чедир ажылдаар.