Долу эвес мобилизация езугаар шериг албан-хүлээлгезин күүседири-биле кыйгыртканнарның өг-бүлелеринге ачы-дуза чедирер ажылда өске кожууннар база каттыжып эгелээн.
Тываның Баштыңы Владислав Ховалыгның даалгазы-биле Чаа-Хөл кожуундан Украинада тускай шериг операциязынга киржири-биле келдирткен оолдарның өг-бүлелеринге кандыг дуза хереглеттинип турарын өөренип көрүп, эге дээреде көргүстүнүп болур хире дузаны чедирип эгелээнин кожууннуң чагырга даргазының хүлээлгезин күүседип турар Сергей Ондар дыңнаткан:
- Чаа-Хөлдүң чурттакчы чону черле бот-боттарын деткижип чоруур улус. Дайынчыларывыстың уруг-дарыы, өг-бүлези хайгаарал чок артпас. Баштайгы дээрезинде бир-бир хойларны өг-бүлелерге үледивис. Моон-даа улаштыр деткимчени план езугаар чорудары көрдүнген. Кыш-соок удур тыва оолдарывыс чоруп турар болганда, оларның бажыңнарынга оттулар чүүлдү дарый дүжүрер. Бо дээрге чүгле эге дээрезиниң дузаламчылары-дыр. Оон аңгыда республиканың чазаа 17 хар чедир уруг бүрүзүнге 5 муң рубльди бээр дээрзин катап база сагындырайн.
М. Конгул-оол белеткээн.
