Кызылдың 22 дугаар школазынга регионнуң школа назыны четпээн уругларының кижизидикчи башкыларынга республика чергелиг өөредиглиг семинар-практикум болуп эрткен. Ол Тываның уруглар садтарында чорудуп эгелээн «Орлята-дошколята» деп программаның чаа кижизидилге аргалары-дыр.
Уруглар садтарының төлээлери «Орлята-дошколята» деп программа-биле таныжып алганнар. Бүгү Тывадан 200 ажыг кижизидикчи башкылар чыглып келген. Семинарның бирги чадазы ийи кезектен тургустунган: методиктиг материалдың бүгү талазын сайгарып көөрү болгаш оларны уруглар садының ажыл-чорудулгазынче киирериниң дугайында сүмелерни сайгарып чугаалажыры. Ийиги ба- зым – ада-иелерни ажыл-чорудулгаже идепкейлиг хаара тудары. Белеткел бөлүктерге саналдап турар угланыышкыннарга хамаарыштыр эрттирер хемчеглерни планнап, улуг улустуң "төл – ада-ие – башкы" деп харылзааларның аразынга ажылды канчаар чорударының дугайында дугуржур.
Уруглар садтарының улуг бөлүктеринге ажы-төл кижизидилгезиниң чаа күрүне программазы уругнуң социал өзүлдезин сайзырадыр болгаш ону школаже белеткээр сорулгалыг. 2025 чылдың сентябрь 1-ден эгелеп Тываның шупту уруглар садтары төлевилелче кирген.
Узун хуусаалыг күрүне төлевилелиниң акшаландырыышкыны эки. Кижизидикчи башкыларга хемчегни Тыва Республиканың Өөредилге яамызы болгаш “Чашкы үениң навигаторлары” федералдыг төлевилелди боттандырар регионалдыг курлавыр төвү башкарып эрттирип турар.
Бистиң корр.
Чурукту интернеттен алган: yandex.ru/images/sea...
“Шын” №37 2025 чылдың сентябрь 25Оценили 4 человека