Апрель 22-де Тываның В.Көк-оол аттыг Национал театрынга Виктория Хомушкунуң бижээни “Тын!” деп шиизиниң хааглыг көрүлдези болган.
Шиини ТР-ниң алдарлыг артизи, режиссер Сайдаш Монгуш тургускаш, хөгжүм каасталгазын база кылган. Орус дылдан тыва дылче очулгазын Эрес Кол, чурук каасталгазын театрның кол чурукчузу Маңнай Хомушку шимеп тургускан. Бо чогаадыкчы бөлүк чаа шиизин уран чүүл чөвүлелинге дужааган.
Шииде назы четпээн уругларның аразында хамаарылгазы, чааскаанзырал, ада-ие болгаш ажы-төл аразында билишпес чорук дугайында көргүзүп турар болганда, хааглыг көрүлдеге эксперттер кылдыр ТР-ниң эртем болгаш өөредилге яамызының сайыды Елена Хардиковага баштаткан психологтар, социал педагогтар чаладып киришкен. Ол ышкаш шииниң сайгарылгазынга журналистер, культурология эртемнериниң доктору Айлана Күжүгет болгаш өскелер-даа боттарының санал-оналын берип, чедер-четпестерин ажыы-биле чугаалааннар.
Чаа шииниң бир дугаар көрүкчүлериниң бодалдары удурланышкак болган...
Допчузу-биле “Шын” солуннуң дараазында үндүрүлгезинден номчуур.
Чуруктарны интернеттен алган.
