Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Чаа шиини көрүкчүлер сонуургаан

25 апреля 2024
12
Апрель 21-де В. Көк-оол аттыг Национал хөгжүм-шии театрынга “Үш чүүл эртемниг оол” деп чаа шииниң баштайгы көрүлдези болган. Шиини ТР-ниң уран чүүлүнүң алдарлыг ажылдакчызы Альберт Хомушку тургускан. Чурук каасталгазын театрның чурукчузу Маңнай Хомушку, хореографиязын – ТР-ниң улустуң артизи Аян Мандан-Хорлуу тургускан.


Шиини бижээн автору хөйге билдингир чораан шүлүкчү, прозачы, журналист Монгуш Борбак-оолович Көжелдей. Ол 1943 чылдың октябрь 9-та Тыва Арат Республиканың Чѳѳн-Хемчик кожууннуң Чыргакыга тѳрүттүнген. Чадаананың 1 дугаар школазын, Кызылда күрүнениң башкы институдун дооскан. Башкылап, «Ленинчи орук» деп район солунунга редакторлап, Тыва Республиканың телерадиокомпаниязынга радио журнализи кылдыр ажылдап чораан. Шүлүкчү, прозачы, журналист. Чогаал ажылын 1964 чылдан эгелээн. Баштайгы проза ному «Эремаа» 1974 чылда чырыкче үнген, дараазында чылдарда «Часкы хаттар», «Шын кайдал?», «Тѳрээн чурттан ыракка» деп проза чыындылары үнгүлээн. «Үш чүүл эртемниг оол» деп ооң шиизи орус, англи дылдарже очулдуртунган. ССРЭ-ниң Журналистер эвилелиниң кежигүнү, 1993 чылда Россияның Чогаалчылар эвилелиниң кежигүнүнге кирген.1998 чылдың апрель 12-де мѳчээн.

Бо удаада хөйге билдингир шиини Национал театрның сценазынга чаа үениң технологияларын ажыглап тургусканын улуг-биче көрүкчүлер онзазынып көрген. Шииде киржип турар артистер рольдарын сеткилинден бердинип ойнап турарын көрүкчүлер демдеглээн. Чаа шии бичии көрүкчүлерге – тоол оранынче аян-чорукту, улуг көрүкчүге – база катап чашкы үезинче шымнып кирер арганы берген.

Бистиң корр.

Чурукту интернеттен алган.


«Шын» №31 2024 чылдың апрель 24