Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Чаарттынган солунну номчааш…

27 января 2025
7

Эрткен вектиң, совет үениң кижизидилгезин алган улустуң номга ынаа, номчуттунарынга сонуургалдыы кымга-даа билдингир болгай. Бо хүнге чедир бистиң үениң кижилериниң номнар болгаш солун-сеткүүл номчуур чаңчылывыс читпээн. Назы-харывыс дөгүй берзе-даа, хостуг үевисте карак-шилдеривис кедипкеш, номчуттунуп кириптер бис. «Шын» солундан бо хүнде чуртта, республикада болуп турар бүгү болуушкуннарны болгаш онзагай кижилер, солун төөгүлер, сактыышкыннар дугайында чүүлдерни харамдыгып номчуур бис. Чаа чыл бүдүүзүнде Самагалдайның А. Шоюн аттыг ном саңының ажылдакчылары «Эң-не номчуттунар өг-бүле–2024» деп шаңналды биске тывысты.

Аныяк үевисте классиктиг литература, даштыкы, орус чогаалчыларның чогаалдарын номчуур турган болзувусса, ам колдуунда тыва чогаалдар номчуур апардывыс. Өөм ээзи Николай Баирович Тес-Хем кожуунга аңныыр ажыл-агыйынга, бодум өөредилге адырынга хөй чылдарда үре-түңнелдиг, шаңнал-макталдыг ажылдап чордувус. Хүндүлүг дыштанылгаже үнгеш, Куран арбанче көжүп келген бис. Бо хүнде ёзулуг-ла дываажаң ораны дег чараш бойдустуг, арыг агаарлыг, ыржым оранда амыдырап-чурттап чоруурувуска, өөрүп чоруур бис. Бо бичии сууржугашта боттарывыс ышкаш үезинде Эрзин, Тес-Хем кожууннарның аңгы-аңгы адырларынга ажылдап чораан хүндүлүг хоочуннар-биле эгин-кожа, найыралдыг чурттап чор бис. Шупту чаңгыс үзел-бодалдыг, чаңгыс үениң кижилери болгаш, сонуургалдарывыс база колдуу дөмей: номчуттунар, бижиир, чуруур, ырлаар-самнаар дээш, харын-даа шүлүк, чогаал бижиир чогаалчыларывыс безин бар.

Боттарывыстың күжүвүс-биле тургузуп алган клубувустуң чанында бичии ном саңындан номнарны бижидип алгаш, үргүлчү номчуп турар бис. Ылаңгыя ачавыс бажыңга келген чаа номнарны кымны-даа мурнай номчуп кааптар кижи. Ажы-төлүвүс, төрелдеривис номчуттунарынга ынаавысты билир болгаш, чаа үнген номнарны, солун-сеткүүлдерни удаа-дараа чорудуп берип турар. А «Шын» кайывыстың-даа ынак солунувус, ооң шынчы чагыдыкчызы бис.

Үнүп келген чаа чылда хөй арынныг, дашты өңнүг, чараш «Шын» солун биске ёзулуг улуг белек болду. Бо чаа солундан «Шынның» төөгүзүн, ооң баштайгы редакторунуң кээргенчиг салым-чолун, юридиктиг эртемден аныяк оолдуң интервьюзун, театр артизи Чойгана Кара-Салдың талантызын, чогаал арнында чаңгыс чер чурттуувус Юрий Дарбааның чечен чугаазын улуг сонуургал-биле номчуп таныштывыс.

Солун неделяда чаңгыс үнерге, биске эптиг-даа-дыр. Чүге дизе солунну бистиң арбанга эккелбейн турар, Шуурмак суурдан ап турар бис. Ынчангаш бо чылын база чагыдылгавысты уламчылаар бодап алдывыс. Ам-даа хөй, солун материалдарны манап артывыс.

Оюумаа АРАКЧАА,

күш-ажылдың хоочуну.

Куран арбан,

Тес-Хем кожуун.