Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
09 августа, вт

Чогаал арны.

10 июля 2022
5

САКТЫП ЧОР МЕН

Чалыы шаамда ойнап өскен ынак чуртум

Ыраажы хем караамайда чуруттунду.

Талыгырда өске черге чорзумза-даа,

Сагыжымга бо-ла кирип келгилээр-дир.

Чараш чечээн сүзүп ойнап, чодураалап,

Кады өскен өөрлеримни сактып чор мен.

Чалыы үе база катап эргип келир чүве болза,

Катап дужуп, ойнап-хөглеп хөөрешсе.

Чуртталгамның агымының өйлүг маңы

Кызыл хүнней бергени ол деп бодап чор мен.

Чараш чуртум өңгүр каазын магадааным

Сагыжымга ол-ла хевээр артып калыр.

Раиса Моңгуш.

Кызыл хоорай.

АВАЙЫМГА

Кадыр-берт оруктарны эртип чорааш,

Хайыралыг авайымга чеде бээр мен.

Чассыг кызым келген-дир дээш, авам күжүр

Сарыг шайын чылдып ора, чассыткылаар.

Алган эштиг, ажы-төлдүг болзумза-даа,

Авайым дег эргим кижи тыппас-тыр мен.

Аар-берге үелерде деткимчең дээш

Авыралдыг авам сеңээ мөгеер мен.

Чуртталганың аар-берге үезинде

Чүгле сеңээ ынаныр мен, күжүр авай.

Ажы-төлүң бисти өөртүп, дузалажып,

Аравыска ам-даа чуртта, ынак авай.

Аржаана Чооду,

Эрзин кожуун.

ТЫВА ДЫЛЫМ

Өртемчейде дылдар-ла хөй

Өөренип ап болур харын.

Ынчалза-даа тыва дылга

Ынакшылым эң-не күштүг.

Авайымның өпей ырын

Ааттынган кавайымдан

Дыңнап өскен төрээн дылым,

Дыка чечен тыва дылым.

Дылдар черле шупту онза,

Тыва дылым эң-не эргим.

Хөңнүм, сүзүүм быжыг тудуш,

Хөглүг, солун тыва дылым.

Сорук-оол Ооржак.

Сукпак суур.

ТААН ЭРГИМ

Эрес-кашпагай эштерим-биле

Эзиннелдир чаржып маңнап,

Чараш-даштар чыып алгаш,

Сайзанак тип ойнап чордум.

Өске черге чурттазымза-даа,

Өскен черим таан эргим.

Өйлеп-өйлеп сактып келгеш,

Өзүм-баарым чылыш кынныр.

Төрүттүнген черим кончуг,

Дөзүм-угум ында тудуш..

Төрел чонум база онза,

Төлептиглер оон үнген.

Чылбак Моңгуш,

Ак-Даш суур.


Чурукту интернет четкизинден алган.