Чогаал арны

Удавас час.
Удаан бойдус чоорганын
Иези хүн
Изиг херел-холу-биле
“Оглукуужум,
Оттуп келем” – дигензиг-даа,
Ажа тырттып,
Аяс чырык хүлүмзүрүүр.
Чанагаш оол
Сагындырар төгерик чер
Херлип, көстүп,
Хевин чазап, ойнап үнер.
Удавас час –
Удаан бойдус оттуп келир.

* * *

Часкы хүннүң херелинге
Чайынналган аккыр харга
Чылчырыктаан карактарым
Сыгыраарып кире бээрге,
Хүлүмзүрүүм чайгаар “төктүп”,
Хүрең арным чырыдып чор.

Кадарчылаар кокпам дургаар
Карандылар тыптып кээп-тир.
Каш хонза черниң кыры
Карара бээр чадавас-тыр.
Сеткилимни өөртүр ээлчег
Чечек-чимис, көкке баар-дыр.

/ Шончалай МААТЫ-ООЛ.