Тываның алдарлыг ус-шеверлериниң бирээзи, Чаа-Хөл кожууннуң Ак-Туруг суур чурттуг Моңгуш Хола-Салович Черзиниң 125 харынга тураскааткан “Дирилген дашта чуртталганың угулзалары” деп республика чергелиг мөөрей-делгелге Чаа-Хөл суурда эртип турар.
Кожууннуң төп Культура бажыңының залынга Моңгуш Черзиниң болгаш бо мөөрей-делгелгениң 2021– 2023 чылдарда киржикчилериниң эң эки ажылдарын делгээн.
Мөөрейниң бо чылда киржикчилери үш хүн дургузунда ажылдап, чуртталганың угулзаларын чонар-даштарда сиилбип үндүрүп турар. Оларның эң эки ажылдары Чаа-Хөл кожууннуң Культура бажыңында Моңгуш Черзиниң ажылдарының чанынга делгеттинер.
Ш. МОҢГУШ белеткээн.
Чуруктарны интернет четкизинден алган.
«Шын» №46 2024 чылдың июнь 22
