Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

«Чылдың дагдыныкчызы» деп чаа шаңнал

31 декабря 2023
29

Декабрь 27-де, Күрүнениӊ Чөвүлел хуралынга, Президент Владимир Путин 2023 чылда Башкыныӊ болгаш дагдыныкчыныӊ чылын түӊнеп, өзүп олурар салгалды, аныяк кадрларны өөредип-кижизидер ажылды чедимчелиг чорударын чугаалаан.

Тываныӊ Баштыӊы Владислав Ховалыг чурттуӊ шупту регионнарыныӊ губернаторлары, тус-тус яамыларныӊ сайыттары-биле кады Күрүнениӊ Чөвүлел хуралынга олурушкан.

«Күрүне Чөвүлелиниӊ хуралынга киржип турдум. Президент аӊаа Башкыныӊ болгаш дагдыныкчыныӊ чылыныӊ түӊнелдерин үндүрген. Өөредилге системазын улаштыр экижидер талазы-биле ажылды уламчылаар дээрзин Владимир Владимирович тодаргай айыткан. Ооӊ быжыг дөзүн тургузуп каан. Президент дагдыныкчыныӊ ажылды сайзырадыры эргежок чугула дээрзин чөптүү-биле чугаалап турар.

Владимир Владимирович организацияларда болгаш бүдүрүлге черлеринде дагдыныкчыларныӊ шалыӊынга немээр акшаларны федералдыг деӊнелге хоойлужудуп быжыглаарын саналдаан. Тывада шак ындыг идиг болур хемчеглерни ажыглап турар, чижээ, эмчи организацияларында дагдыныкчыларныӊ институдун ажыглалга киирген болгай. Президентиниӊ саналын амыдыралга боттандырар болза, өске адырларга дагдыныкчы ажылды деткип, ону нептередип, сайзыраӊгайжыдып болур. Владимир Владимирович «Чылдыӊ дагдыныкчызы» деп шаӊнал тургузар деп база бир чугула бот-идепкейжи саналды киирген.

Бистиӊ чедип алган шупту тиилелгелеривистиӊ ук-дөзү школадан эгелээн дээрзин Президент демдеглээн. Башкы мергежилдиӊ ат-алдарын бедидери эргежок чугула. Тывада башкы мергежилдиӊ угланыышкыны-биле эки өөренген студентилерге стипендия берип, деткип турар болгай бис. «Башкы мен» деп төлевилел-биле чүгле бо чылын безин 86 кижи 174 муӊ рубль түңнүг чаӊгыс катап бээр төлевирни алган. Педагогика угланыышкынныг мергежил шилип, билдириишкин киирген абитуриентилерниӊ саныныӊ хөй болганы ооӊ түӊнели болур.

Владимир Владимировичиниӊ бот-идепкейжи саналыныӊ талазы-биле федералдыг төптүӊ ажылдап кылган деткимче хемчеглериниӊ ачызында школаларны идепкейлиг чаартып, чаа школаларныӊ инфраструктуразын тургузуп ап турар бис. Тывада ийи чаа школаны туткан — Сукпакта биле Кызылдыӊ Бай-Хаак кудумчузунда. Ийи школаныӊ тудуун удавас доозар. 7 чаа школаны 2024 чылда ажыглалга киирер бис. Ол дээрге республикага туруп көрбээн улуг хемчээлдиг ажылдар-дыр. Национал төлевилелдерниӊ иштики программаларыныӊ кызыгаары-биле ийи чыл дургузунда Тываныӊ суурларында 40 школаныӊ үндезин септелгезин кылгаш, амгы үениӊ дериг-хересели-биле чепсеглээн» — деп, регионнуӊ удуртукчузу социал четкиде блогунга бижээн.

Р. ДЕМЧИК белеткээн.

Чуруктарны интернеттен алган.


«Шын» №100 2023 чылдың декабрь 30