Барыын-Хемчик кожууннуң Аксы-Барлык сумузундан тускай шериг операциязының киржикчизи Амыр-Санаа Хертектиң чырык адын мөңгежидип, тураскаалын байырлыг байдалга ажыткан.
Амыр-Санаа Хертек Курск облазында Дарьино суурну хостажып тургаш, маадырлыы-биле амы-тынындан чарылган. Маадырга Эрес-дидим чоруктуң орденин мөчээниниң соонда тывыскан.
Маадыр Аксы-Барлык ортумак школазының доозукчузу. Ол агаар-десант шериглеринге албан-хүлээлгезин эрттирген. Дайынчының чырык адын мөңгежиткен тураскаал самбыраны ооң төрээн школазында аскан. А.-С.О. Хертектиң маадырлыг чоруу кажан-даа уттундурбас, мөңге артар!
Ол ышкаш Амыр-Санаа Хертектиң чырык адынга тураскааткан 18 харга чедир оолдар аразынга хүреш маргылдаазы база болуп эрткен. Тиилеп үнген мөгелерге акша шаңналдарын тывыскан.
Барыын-Хемчик кожуун чагыргазының медээзинден.
Чуруктарны интернеттен алган.
“Шын” №38 2025 чылдың октябрь 2
