Дарый-дүрген бадыланчыр арга бар.

Бир эвес долу эвес мобилизацияга таварышкан хамааты кады чурттаан эжи-биле бадылга чок болза, чоруур бетинде ТР-ниң ХБАБ эргелелинче долгааш, дарый бадыланчыр дугайында дилегни киирип болур.

ТР-ниң ХБАБ килдис эргелекчизиниң оралакчызы Орлана Оюннуң медеглээни-биле алырга, Кызыл хоорайның ол чарыында турар мотоадыгжы 55-ки бригадада чоруурунга белеткенип турар курлавырда шериг оолдар ол арганы ажыглап эгелээн.

Чижээлээрге, бо кежээ шериг албан-хүлээлгезин күүседири-биле аъттаныптар деп турар Максим Алексеевич Седых ажы-төлүнүң авазы Ольга Вячеславовна Егорова-биле дарый бадылганы кылган.