Эрткен неделяда Чаа-Хөлге “Дирилген дашта чуртталганың хээлери” деп республика чергелиг даш чонукчуларының аразынга мөөрей-делгелге болган. Ону Тываның алдарлыг ус-шевери, Чаа-Хөл кожууннуң Ак-Туруг чурттуг Монгуш Черзиниң 125 харынга тураскаадып эрттирген.
Беш хонук уламчылаан мөөрейниң түңнелдерин июнь 23-те илередип үндүрген.
Мөөрейниң дээди шаңналын Алим Хертек чаалап алган. Ол “Тевежи” деп ажылды чонар-даштан сиилбип кылгаш, шылгарап үнген.
Бирги чергениң лауреа- ды – Орлан Сат “Аңчы” деп скульптураны сиилбип кылган. Арат-оол Бегзи “Өгбелерим тоолчургу ораны” деп ажылды кылгаш, ийиги чергениң лауреады болган. Үшкүзүн Мактал Кенден "Арбак-Мөге" деп ажылы дээш алган. Дөрткү чергениң лауреады – Субудай Сундуй “Каң-кыс” деп скульптураны сиилбип кылган.
Ол ышкаш аңгы-аңгы номинацияларга дараазында мастерлер шаңналдыг черни ээлээннер:
"Портрет" номинация – Лариса Норбу ("Портрет Черзи");
"Мифология" номинация – Алексей Ховалыг ("Улу");
Номинация "Тос чүзүн малым" – Леонид Даш ("Теве");
"Чаңчылчаан амыдырал" номинация – Владимир Черзи ("Ойтулааш");
"Чаңчылдарны сагыыры" номинация – Анатолий Даш ("Демисел");
"Салгалдар" номина- ция – Танаа-Херел Хунан ("Эжишкилер");
"Юбилейлиг ажыл" номинация – Ай-Демир Шыырап ("Мастерниң юбилейинге");
"Даштың кыйгызы-биле" номинация – Эрес Байыр-оол ("Хуна");
"Композиция" номинация – Артыш Донгак ("Хараарда");
"Чылдың сүлдези – Улу" номинация — Карим Монгулбии ("Калчаараан улу чаажыктырыкчызы”);
"Анимализм" номина- ция – Саян Денгээзин ("Черлик хаван").
Бистиң корр.
Чуруктарны интернет четкизинден алган.
"Шын" №47 2024 чылдың июнь 26
