«Амгы үениң уран чүүлүнде буддийжи сюжеттер болгаш хөөннер” деп делгелге-мөөрейни Тывада организастап эгелээн.
Төлевилелдиң сорулгазы– республикада амгы үениң буддийжи уран чүүлүн делегей чергелиг буддийжи шуулганга көргүзери. Делгелге-мөөрейни регионнуң хөй-ниити организациязы “Онза” биле республиканың Улусчу чогаадылга төвү организастап турар. Бо хемчегге студентилер, башкылар болгаш ус-шевер мастерлер киржир. Олар чурулга, графика, скульптура болгаш улустуң ус-шевер хевирлеринге боттарының ажылдарын мөөрейге киирип болур. Мөөрейниң жюризи 14 номинацияга эң эки ажылдарны шилип алыр.
Делгелге дөрт чадалыг, 2026 чылдың август айда Кызыл хоорайга эртер делегей чергелиг IV Буддийжи шуулганга түңнел көрүлде-биле доостур.
Бистиң корр.
“Шын №2 2025 чылдың январь 22
