Москва хоорайга июль 16-17 хүннеринде Россияның Сумо федерациязының кубогу дээш элезинге хүрежир сумога (пляжное сумо) бистиң тыва мөгелеривис чедиишкинниг хүрежип тергиидээннер.
Түңнелинде: 85 кил чедир мөгелер аразынга Айдың Даржаа база 115 килге Максим Ооржак шүүлгеш, алдын медальдарга төлептиг болганнар. Дараазында 100 килге чедир мөгелер аразынга аныяк мөгевис Субудай Насык-Доржу үжүүрлешкеш, мөңгүн медальды алган. База деңзи сагывыс (абсолютный) хүрешке 85 килге чедир мөгевис Айдың Даржаа үшкү шаңналдыг черге төлептиг болган.
Алексей ЧАМБАЛ-ООЛ.
Чуруктарны авторнуң архивинден алган.
“Шын” №28 2025 чылдың июль 24