Владислав Ховалыг бодунуң соцчеткиде блогунга кадык камгалал адырында ажылдап турар ажылдакчыларга байыр чедирген. Ол эмчи ажылдакчыларын база бир эң-не кол болгаш буянныг мергежилдиң төлээлери деп адаан. Байыр чедириишкининге Донбасста дайынчы хөделиишкиннер чоруп турар зонага тыва эмчилер боттарының профессионал хүлээлгезин дидими-биле күүсеткенин онзагайлап демдеглээн.
— Эмчи ажылынга чүгле делгем билиглиг, эки сеткидиг кижилер ажылдап шыдаар дээрзинге бүзүрээр мен, чүге дээрге силер боттарыңарны бодавайн, өскелерге дуза кадарынга кезээде белен болгай силер. Шак ындыг үлегерни дайынчы хөделиишкиннер болуп турар черниң кызыгаарынга четкеш келген бистиң эмчилеривис көргүскен. Коллегаларынга дуза хереглеттинип турарын билип каан дораан, боданмайн-даа олар чорупканнар болгай - деп, губернатор бижээн.
Тывадан бөлүк эмчилер Луганск, Донецк републикаларның чонунга болгаш тускай шериг операциязының киржикчилеринге эмчи дузазын чедирери-биле 2022 чылдың декабрьда болгаш апрельде, ийи удаа чорааш келген. Ол бөлүктерже хирургтар, травматологтар, ортопедтер, анестезиологтар, кезиишкин үезинде дуза кадар эмчи сестралары кирип турган. Тываның эмчилери карак кызыл ажылы дээш РФ-тиң Президентизиниң өөрүп четтириишкин бижиин болгаш Тыва Республиканың күрүне шаңналдарын алган.
Владислав Ховалыг кадык камгалалының хоочуннарынга үнелеп четпес байлак дуржулгазын аныяктарга дамчыдып берип чорууру болгаш боттарының соондан өзүп орар төлептиг салгалды белеткеп турары дээш аңгы четтиргенин илереткен.
Тываның Чазак Даргазы республиканың эмчи ажылдакчыларынга аас-кежикти, быжыг кадыкшылды болгаш бүгү-ле чүүлдеринге экини күзээн.
Эмчилерниң профсссионал байырлалының бүдүүзүнде ол адырның ажылдакчыларынга Тыва Республиканың күрүне шаңналдарын тывыскан.
Чазак Даргазының Өөрүп четтириишкин бижии-биле кадык камгалал адырының дараазында ажылдакчылары шаңнаткан:
Наталья Тожаевна Кенден, ТР-ниң “Республиканың 1 дугаар эмнелгези” Кадык камгалалының бюджеттиг албан чериниң эмчи сестразы;
Евгения Васильевна Батурина, ТР-ниң “Судтуң эмчи экспертизазының бюрозу” ККБАЧ-тың санитары;
Урана Домур-ооловна Ондар, ТР-ниң “Туберкулезка удур диспансери” ККБАЧ-тың хирургия салбырының эмчи сестразы;
Оксана Викторовна Цыбина, ТР-ниң “Бии-Хемниң төп кожуун эмнелгези” ККБАЧ-тың дерматовенеролог эмчизи;
Эмма Киим-ооловна Намзырай, “ТР-ниң Перинаталдыг төвү” ККБАЧ-тың эмчи сестразы.
Тыва Республиканың Чазак Даргазының Хүндүлел бижии-биле кадык камгалал адырының дараазында ажылдакчылары шаңнаткан:
Орланмаа Чамзырыновна Донгак, ТР-ниң Туберкулезка удур диспансери” ККБАЧ-тың фтизиатр эмчизи;
Маргарита Дадаровна Оюн, ТР-ниң “Халдавырлыг аарыглар эмнелгези” ККБАЧ-тың анестезист эмчи сестразы;
Сара Доржуевна Кара-Сал, ТР-ниң “Улуг-Хемниң хөй талалыг эмнелге төвү” ККБАЧ-тың анестезист эмчи сестразы;
Эмма Эрес-ооловна Удун-оол, ТР-ниң “Халдавырлыг аарыглар эмнелгези” ККБАЧ-тың эмчи сестразы;
Родина Иргитовна Хертек, ТР-ниң “Каа-Хемниң төп кожуун эмнелгези” ККБАЧ-тың инфекционист эмчизи;
Валентина Домур-ооловна Тулуш, ТР-ниң “Кызыл кожууннуң төп эмнелгези” ККБАЧ-тың педиатр эмчизи.
“Тыва Республиканың кадык камгалалының алдарлыг ажылдакчызы” хүндүлүг атты дараазында ажылдакчыларга тывыскан:
Елена Красиновна Инюткинага, ТР-ниң “Бии-Хемниң төп кожуун эмнелгези” ККБАЧ-тың Аржаан суурда ФАП-тың фельдшеринге;
Римма Буруткеловна Сарыг-Серенге, ТР-ниң “Республиканың СПИД болгаш халдавырлыг аарыгларга удур баш бурунгаар ажыл чорудар төп” ККБАЧ-тың улуг эмчизиниң организастыг-методика ажылының талазы-биле оралакчызынга.
“Тыва Республиканың алдарлыг эмчизи” хүндүлүг атты кадык камгалал адырының дараазында ажылдакчыларынга тывыскан:
Зинаида Дыртыковна Монгушка, ТР-ниң “Республиканың уруглар эмнелгези” ККБАЧ-тың социал-эмчи дузазының килдис эргелекизинге;
Николай Григорьевич Утямишевке, ТР-ниң “Республиканың 1 дугаар эмнелгези” ККБАЧ-тың офтальмология салбырының эргелекчизи, офтальмолог эмчиге;
Луиза Шыыраповна Сундуйга, ТР-ниң “Республиканың 1 дугаар эмнелгези” ККБАЧ-тың улуг эмчизиниң эмнээшкин талазы-биле оралакчызынга;
Шолбан Алдын-ооловч Сарыгларга, ТР-ниң “Республиканың дүрген дуза чедирер төвү болгаш айыыл-халап медициназы” ККБАЧ-тың улуг эмчизинге.
“Шылгараңгай күш-ажыл дээш” деп медаль-биле Республиканың эмчи колледжиниң башкызы Екатерина Сергеевна Полетаева шанаткан.
Бист.корр
Чурукту интернеттен алган
ТР-ниң Чазааның парлалга албанының медээзи-биле
