Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
26 сентября, пн

Эмчиниң сүмези.

27 августа 2022
9

Росхереглелхайгааралдың Тывада эргелелиниң болгаш ТР-ниң Кадык камгалал яамызының дыңнадып турары-биле, август айның дургузунда Тывада коронавирус халдавырлыг аарыгдан аараан улустуң саны июль айга көөрде, 3 катап, а сөөлгү неделяда – 3,5 катап көвүдээн.

ТР-ниң Кадык камгалал яамызының оралакчы сайыды Марианна Куулар коронавирустуң бо чеди дугаар чалгыы баштайгыларындан чүнүң-биле ылгалып турарын чугаалаан:

“Коронавирус халдавырлыг аарыгның бо чаа чалгыы мурнунда омикрон штаммга көөрде, кончуг чыпшыныычал. Аарыг боду чиик эртер-даа болза, аараан улустуң 89 хуузунуң үстүкү тыныш органнарынга дээр, ОРВИ-ден аар аарааны-биле дөмей болур. Ынчангаш, кадык улуска дораан чыпшынар. КОВИД-19-тан аарып турар улус-биле харылзаалыг азы эъди изээнде, чөдүрүп эгелээн болза, суг-думаалаанда, боостаазы аараан таварылгада дораан анализин дужаап, хынадыры чугула.

ОРВИ-ден аарааны-биле дөмей боорга, улус коронавирустан аараанын эки билбейн барып болур. Бичии-ле байдалы шала аарыгзый берген болза, чурттап турар адрезиниң аайы-биле хамааржыр поликлиниказынга келгеш, дарый хынадып алыр. А бир эвес кадык-даа болза, ковидке анализ дужаар дээн улуска төлевирлиг болур.

КОВИД-19-туң чаңгыс аай номери: “122” , 8.00 шактан 22:00 шакка чедир дөрт оператор медээлерни хүлээп ап турар. Ол ышкаш поликлиника бүрүзүнде колл-төптер ажылдап турар: 3-72-72 (Гагаринада поликлиника), 3-73-73 (Дружба кудумчузунда поликлиника), 6-41-24 (уруглар эмнелгези). А кожууннарда шупту эмнелгелерде база колл-төптер ажылдап турар.

Аараан улустуң саны улгаткан тудум, колл-төптерниң ажылы аартап турар. Ынчалза-даа эмчи бригадалар немежип турар. ТР-ниң Чазааның болгаш ТР-ниң Кадык камгалал яамызының оперштавы катап ажылдап эгелээн.

Хөй-ниити черлеринге, янзы-бүрү албан черлеринге, такси болгаш хоорай иштиниң аргыжылгазын харыылап турар автобус, газельдерге, садыгларга дээш өске-даа хөй кижи чыглыр черлерге камгалал маска кедер чурумну шыңгыы сагыырын чурттакчы чонга катап база сагындырар.

Өөредилге албан черлеринге, школаларга өөреникчилер, студентилер албан камгалал маскаларлыг болур ужурлуг.

Бо хүнде тарыдар ужурлуг чоннуң 98 хуузу тарылганы эрткен. Тарыткан улус алды ай болгаш-ла катап тарыдарын утпас болза эки.

12-ден 14 харга чедир назы четпээннерниң ада-иезиниң чөпшээрели-биле тарылганы чорудар. 14 харлыг кижи боду шиитпирлээр. Ынчангаш назы четпээннерни сентябрь 1-ге чедир тарыдып алырын эмчилер сүмелеп турар. Хан-дамыр, бүүрек, боостаа аарыглары, онкологтуг, ревматологтуг аарыгларлыг улуска тарылганы кылып болур. Ол ышкаш иштиг херээженнер болгаш чаа божаан авалар тарыдарындан корткан ажыы чок.Коронавирус халдавырлыг аарыгдан кол камгалал – аңаа удур тарыдып алыры”.

/ ТР-ниң Кадык камгалал яамызының медээзи-биле.