Республика чурттакчыларынга улуг Тиилелге хүнүн байырлаар узун дыштаныр хонуктар эгелээр. Бир эвес кызылчыларга кандыг-бир эмчи дузазы херек апарза, ону үе шаанда ап болур.
Тыва Республиканың Кадык камгалал яамызының доктааткан графиги езугаар республиканың 1 дугаар эмнелгезиниң консультативтиг-диагностика поликлиниказы байырлал хүннеринде ажылдаар.
Майның 6, 7, 8, 9 база 10 хүннеринде эртенгиниң 08.00 шактан 17.00 шакка чедир дежурный эмчилер база участок терапевтери дуза дилеп келген аарыг кижилерни хүлээп алыр.
Майның 6, 8 база 10-нуң хүнүнде 09.00 шактан 15.00 шакка чедир участок терапевт эмчилери шимчеп албас, инвалид база хоочу аарыгларлыг кижилерни эргип, хынаар.
Поликлиниканың травмпунктузу, саргыга ызырткан таварылгада дуза көргүзер хирургия кабинеттери, дыштаныр хүннер чокка, хондур-хүндезир ажылдаар.
Соңгаарладып болбас дуза кабинеди хүннүң-не 8.00 шактан 20.00 шакка чедир ажылдап, 2-18-63 телефон таварыштыр кыйгыртыгларны хүлээр.
Республиканың наркология диспансери май 8 база 10-нуң хүнүнде 9.00 шактан 15.00 шакка чедир хүлээп алыышкынын чорудар.
Стоматология поликлиниказы дүрген дуза хереглээн улуг, бичии кижилерни майның 6, 7, 8, 9, 10-нуң хүннеринде 9.00 шактан 16.00 шакка чедир хүлээп алыр.