Сеткилим ханызындан силерни Чоннуң чаңгыс эвининиң хүнү-биле байыр чедирдим!
Бо хүн Россияның чонунуң чаңгыс эвиниң, патриотизминиң, Төрээн чуртунга кызыгаар чок ынакшылының демдээ болган. Кандыг-даа үеде
-чуртувус өжээти чурттарның санкцияларының ыйыдыышкын-базыышкынын ажып эрти. Өске регионнардан Россия бодунуң кижилери-биле күштүг болгаш быжыг. Чурттуң амыдыралында дыка хөй болуушкуннар чоннуң чаңгыс эви-биле тодараттынар. Күрүнениң күжү чогум-на ында.
Ада-чуртунга, ооң хөй омак-сөөктүг чонунга бердингениниң көскү чижээ Россияның Президентизи Владимир Владимирович Путин болур. Чоокта чаа шажын-чүдүлге удуртукчулары-биле ужуражылга үезинде ол мынча деп демдеглээн болгай: «Бистиң кижи бүрүзү чоннар аразында болгаш шажын-чүдүлгелер аразында эп – россий күрүне тургузуунуң үндезини болур дээрзин утпас ужурлуг. Чаңгыс Төрээн чурттуг чаңгыс чон-дур бис. Ооң чаагай чоруу болгаш айыыл чок чоруу дээш дөгеревис ниити харыысалгалыг бис”.
Чоннуң чаңгыс тура-соруунга быжыглаттынган бистиң Адашериглер болгаш офицерлер-биле эгин-кожа Тывадан барган шериг албанныглар тускай шериг операциязының сорулгаларын күүседип турарлар. Чоокта чаа олар-биле ужураштым, фронтуже чоруткан автомашиналар дээш өөрүп четтириишкинни оларның боттарындан дыңнаары өөрүнчүг чорду. Ол болза бүдүн республиканың чонунуң чыгганы Россияда эң улуг хемчээлдиг белек болур. Бо машиналарның дузазы-биле олар балыглатканнарны тулчуушкун шөлүнден үндүр дажыглап, ок-чепсекти сөөртүп турар. Чоннуң чаңгыс эви деп чүве ол-дур. Тывадан барган оолдарның эрес-дидимин, быжыг туруштуун командылал демдеглеп турду. Аңгы-аңгы омак-сөөктүң болгаш шажын-чүдүлгениң дайынчылары эгин-кожа болуп алгаш, камгалалдың идегелдиг шугумун тургузуп турарлар.
Чоннуң эп-сеткил каттыштырылгазының чылында ындыг төлептиг таварылгаларны бистиң республикавыска көрген болгай бис. Тываның чурттакчылары ниити күш-биле улусчу көвүрүглерни тудуп, уругларның спортчу шөлдерин септеп, «Сорунза» программа-биле Культура бажыңнарының тудуунга, Тубтен Шедруб Линг хүрээзиниң ажыдыышкынынга киржип турду.
Байырлал-биле! Чоннуң чаңгыс эвиниң хүнү-биле!
Тыва Республиканың Баштыңы В. ХОВАЛЫГ.
“Шын” №84 2023 чылдың ноябрь 4