Эргим чаңгыс чер чурттугларым!
Тыва улустуң кол болгаш хүндүткелдиг байырлалдарының бирээзи Наадым-биле бүгү сагыш-сеткилимден силерге байыр чедирип тур мен. Ажыл-ишчи, угаан-медерелдиг болгаш шудургу чоруунуң ачызында бистиң республикавыс тургустунуп, быжыгып келген көдээ ажыл-агыйның ажыл-ишчилерин болгаш мурнакчыларын бөгүн бис алдаржыдып турар-дыр бис.
Бо чылгы Наадым байырлалы чугула төөгүлүг болуушкунга тураскааттынган – Тыва Арат Республика ССРЭ-ниң составынга эки тура-биле киргениниң 80 чылынга. Бистиң республиканың төөгүзүнге, бир янзы онзагай культуразынга, ат-алдарлыг чаңгыс чер чурттугларывыска, оларның ажыл-ишчи чоруунга болгаш кайгамчыктыг салым-чаяанынга чоргаарланып чоруур бис! Россияның акы-дуңма чоннары-биле кады Тыва Республика чүгле бурунгаарлаар.
Малчыннарның байырлалын демдеглеп эрттирип тура, бис хамыктың мурнунда бистиң өгбелеривистиң төөгүлүг өнчүзүн, малчын араттарның ажыл-ижи үндезини апарган кол үнелиг чүүлдерни кадагалап арттырып чоруур бис. Шаг-төөгүден бээр көшкүн тыва улустуң дириг ёзу-чаңчылдарының, хөй вектер дургузунда ажыл-ижинге болгаш амыдырал-чуртталгазының үндезининге бистиң чонувусту Наадым каттыштырар күчү-күштүг.
Байырлал-биле, эргим чаңгыс чер чурттугларым! Наадым-биле!
Тыва Республиканың Чазааның Даргазы В. ХОВАЛЫГ.
"Шын" №53 2024 чылдың июль 17
