Октябрь 20–22 хүннеринде Кызылга Аныяктар өргээзинге республика чергелиг эртем шуулганы болур. Шуулганның кол сорулгазы – чурттакчы чон аразынга эртемни нептередири; аныяк эртемденнерге деткимче, идиг бээри; эртем каттыжылгазының, күүсекчи эрге-чагырга органнарының болгаш бизнес төлээлериниң аразынга төлевилелдерин боттандырар сорулга-биле харылзаа тудар байдалды тургузары. Шуулганга Тыва Республиканың чурттакчы чону киржир.
Шуулганның программазында дараазында хемчеглер кирип турар:
– октябрь 20-де 10.00 – 14.00 шакта «Тергиин аныяк эртемден – 2022» деп республика чергелиг мөөрей;
– октябрь 21-де 15.00 шакта ТР-ниң Чазак бажыңының 1 дугаар залынга Тыва Республиканың Баштыңының чанында эртем болгаш эртем-техниктиг политика талазы-биле чөвүлелдиң хуралы;
– октябрь 21-де 11.00 шакта төлевилелдер болгаш технологиялар ярмарказы;
– октябрь 21-де 14.00–14.30 шакта Тыва Республиканың девискээринге эртем болгаш технологияларның он чылдаанының байырлыг ажыдыышкыны;
– 16.00 – 13.00 шакта Тыва Республиканың Чазааның болгаш Күрүне Эрмитажының аразынга видео-харылзаа таварыштыр Чиңге-Тей базырыктарындан казып тыпкан чевегниң археологтуг тывыштарын шинчилээр, чаартып кылыр, камгалап-кадагалаар болгаш катап тургузар ажылдар чорудар талазы-биле Дугуржулгага атты салыр.
– Октябрь 21–22 хүннеринде 10.00–16.00 шакта Бүгү-российжи «Наука 0+» фестиваль.