Россияныӊ эртем хүнүн уткуштур Красноярскыныӊ статистика албаны Енисей Сибириниӊ регионнарында эртем шинчилекчилериниӊ саныныӊ дугайында дыӊнадып турар.
Тыва Республикада 139 кижи эртем ёзугаар шинчилелдерни кылып турар. Оларныӊ 35 хуузу бойдус эртемнерин, 29 хуузу хөй-ниитиниӊ эртемнерин, 22 хуузу гуманитарлыг эртемнерни, 14 хуузу көдээ ажыл-агый, медицина болгаш техниктиг эртемнерни шинчилеп турар.
Шинчилекчилерниӊ 58 хуузу эртемден чадалыг. 16 кижи эртем доктору, а 64 кижи эртем кандидады деп аттыг. Эртемденнерниӊ хөй кезии – херээжен улус.
Хакас Республикада 80 кижи эртем-шинчилел ажылын кылып турар. Оларныӊ 47 хуузу гуманитарлыг эртемнерни, 25 хуузу көдээ ажыл-агыйны, 13 хуузу бойдус, 29 хуузу хөй-ниитиниӊ эртемнерин, техниктиг эртемнерни шинчилеп турар. Шинчилекчилерниӊ 71 хуузу эртемден чадалыг. Ол республика 8 докторлуг, 49 кандидаттыг.
Красноярск крайда 4,300 хире эртем шинчилекчилери бар.
Шинчилекчилернин 78 хуузу техниктиг эртемнерни, 16 хуузу бойдус эртемнерин, а 6 хуузу көдээ ажыл-агый, медицина, хөй-ниити, гуманитарлыг эртемнерни шинчилеп турар. Оларныӊ 37 хуузу херээжен эртемденнер. Эртем докторлары ̶ 202, эртем кандидаттары - 715. Регионда эртем шинчилеп турар беш дугаар кижи бүрүзү эртемден чадалыг.
Красноярскыныӊ статистика албаныныӊ медээзи-биле Р. Демчик белеткээн.
