Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Эзирик чолаачыны шииткен

3 ноября 2023
12

Кызылдыӊ хоорай суду 30 харлыг чурттакчыга хамаарыштыр шииткелди үндүрген.

Эзирик чолаачы автомобиль башкарып чорааш, оваарымча чогу-биле орук шимчээшкининиӊ дүрүмүн үрээниниӊ соонда, бир кижи өлген, чолаачы боду ол черден дезип чоруй барганы дээш, РФ-тиӊ 264-кү чүүлүнүӊ 4-кү кезээниӊ «а», «б» иштики пунктуларында көрдүнген кем-херекти үүлгеткенинге буруулуг деп санаан.

2021 чылдыӊ август айда ол эзирик тургаш, автомашиназын мунуп алгаш, Кызылдыӊ Рабочая кудумчузунга халдып чораан. Оруктуӊ удур келген автотранспорт одуруунче киир халды бергеш, «Богдан 2110» деп автомашина-биле үскүлешкен. Үскүлежиишкинге буруулуг турган чолаачы бодунуӊ автомобилинден үнүп келгеш, чаштып дезип чоруй барган.

Орук-транспорт озал-ондааныӊ түӊнелинде «Богдан 2110» деп автомашинаныӊ пассажирлериниӊ бирээзи ол черге чок апарган, а өскези аар кемдээшкин алган.

Суд күрүне буруудадыкчызыныӊ саналын чүүлдүг деп санааш, буруулуг кижиниӊ 6 чыл хосталгазын казыыр, яланы колония-поселениеге эрттирер, 2 чыл хуусаа иштинде транспорт башкарары-биле холбаалыг ажыл кылыр эргезин хавырар деп яланы онааган.

Шииткел хоойлу ёзугаар күш кирбээн.

Республика прокурорунуӊ улуг дузалакчызы С.А. Ооржак.
Р.Демчик очулдурган.

Чурукту интернеттен алган.